رەسپۋبليكالىق «تازا قازاقستان» ەكولوگيالىق اكتسياسى اياسىندا قولعا الىنعان بۇل باستاماعا ورال ورمان جانە جانۋارلار دۇنيەسىن قورعاۋ مەكەمەسىنىڭ قىزمەتكەرلەرى جەتەكشىلىك جاسايدى. قاڭتار ايىنىڭ سوڭىندا ارنايى ىدىستارعا ەگىلگەن تيتىمدەي ءداننىڭ تامىر تارتىپ, ءوسىپ كەتۋىن قادىر مەكتەبىنىڭ وقۋشىلارى كۇن سايىن قاداعالاپ كەلەدى. ولار بيولوگيا ساباعىندا ارشا تۇقىمدارىن كونتەينەرگە ءوز قولدارىمەن ەككەن ەدى. وقۋشىلاردىڭ ارقايسىسىنا بەكىتىلگەن ىدىس, قۇرالدارى بار. ال ورال ورمان جانە جانۋارلار دۇنيەسىن قورعاۋ مەكەمەسى باسشىسىنىڭ كومەكشىسى تەمىرلان تەمىرعاليەۆ وسكىندەردى كۇتىپ-باپتاۋدىڭ قىر-سىرىن جاس باعباندارعا جالىقپاي ۇيرەتەدى.
ەگىلگەن ارشا دانەكتەرى ويداعىداي ءوسىپ كەتسە, كوكتەمدە مەكتەپتىڭ اۋلاسىنا «قونىس اۋدارادى». وسىلايشا, مەكتەپتىڭ اينالاسى جايقالا تۇسپەك.
باتىس قازاقستان وبلىسىندا «تازا قازاقستان» ەكولوگيالىق اكتسياسى «جاسىل ايماق», «تازا ولكە», «كيەلى مەكەن», «ونەگەلى ۇرپاق» جانە ء«مولدىر بۇلاق» اتتى 5 كەزەڭ بويىنشا ءجۇرىپ جاتىر. ەكولوگيالىق اكتسيالارعا ەرىكتىلەر, ستۋدەنتتەر, بەلسەندى جاستار, قالا تۇرعىندارى, جالپى سانى 7,5 مىڭنان اسا ادام قاتىسىپتى. ال ء«بىز تازا ەل ءۇشىن» اتتى قوقىس جيناۋ ەستافەتاسى كەزىندە 200-گە جۋىق ادام 6 كومانداعا ءبولىنىپ, قالانى 3 توننا قوقىستان تازالاپ شىققان.
باتىس قازاقستان وبلىسى
