باسكەتبول. ۆتب ليگاسى. «استانا» پلەي-وففتى ءىرى جەڭىلىسپەن باستادى

استانا. 2 مامىر. بۇگىن باسكەتبولدان ۆتب بىرىڭعاي ليگاسىندا ەل نامىسىن قورعايتىن «استانا» كومانداسى سايىستىڭ پلەي-وفف باسەكەسىندەگى العاشقى ويىنىن وتكىزدى. ماسكەۋدە جەرگىلىكتى تسسكا-مەن كۇش سىناسقان باسكەتبولشىلارىمىز ازۋلى قارسىلاستارىنان 58:103 ەسەبىمەن ويسىراي جەڭىلدى. بۇل تۋرالى egemen.kz حابارلادى. كەزدەسۋدىڭ العاشقى ەكى كەزەڭىندە استانالىقتار ايتارلىقتاي قارسىلىق كورسەتكەن ەدى. ءتىپتى العاشقى كەزەڭدە ءۇش ۇپاي ايىرماسىمەن عانا (24:27) جەڭىلگەن «استانا» ەكىنشى كەزەڭدە 18:20 ەسەبىمەن ەسە جىبەردى. ال سوڭعى ەكى كەزەڭ تەك تسسكا-نىڭ قالاۋىمەن ءوتتى. ويىننىڭ ءۇشىنشى بولىگىندە ماسكەۋلىكتەر 25:9 ەسەبىمەن جەڭىسكە جەتسە, سوڭعى كەزەڭ الاڭ يەلەرىنىڭ پايداسىنا 31:7 ەسەبىمەن اياقتالدى. ويىن بارىسىندا ەڭ كوپ ۇپاي جيعان ويىنشىلار ناندو دە كولو (تسسكا) مەن دجەرري دجونسون («استانا»). ەكەۋى دە 40 مينۋتتىڭ ىشىندە ەنشىلەرىنە 17 ۇپايدان جازدى. وسىلايشا, قوس كوماندا اراسىنداعى جالپى ەسەپتە تسسكا العا شىقتى (1:0). كەلەسى ماتچ 4 مامىردا ماسكەۋدە وتەدى. ەلامان قوڭىر. دەرەك: egemen.kz. سۋرەت: vtb-league.com.