سۋرەت: new.zhalagash-zharshysy.kz
قازىرگى تاڭدا ەلدى مەكەندە جالعىز مەكتەپ جۇمىس ىستەپ تۇر, وندا ەكى اۋىسىمدا 53 بالا ءبىلىم الۋدا. سونىمەن قاتار ءبىلىم وشاعىندا سپورت جانە اكت زالدارى, اسحانا جوق, پاندىك كابينەتتەر جەتىسپەيدى. جاڭا مەكتەپ 60 ورىنعا ارنالعان. عيمارات زاماناۋي ءبىلىم بەرۋ ستاندارتتارىنا سايكەس جابدىقتالعان. نىساننىڭ قۇرىلىسى ءبىلىم بەرۋدىڭ قولجەتىمدىلىگى مەن مەكتەپتەگى ورىن تاپشىلىعى ماسەلەسىن شەشۋگە مۇمكىندىك بەرەدى. قازىر اۋىلدا 7 جاسقا دەيىنگى 28 بالا تۇرادى.
بۇگىندە ۇكىمەت الەۋمەتتىك ماڭىزى بار نىساندار سالۋعا ارنايى مەملەكەتتىك قوردان 58 ملرد تەڭگە ءبولدى. اتاپ ايتقاندا, 5 مەكتەپ, ونىڭ ىشىندە ءبىر مۋزىكالىق, 2 سپورت كەشەنى, كوپفۋنكتسيونالدى اۋرۋحانا كەشەنى, جاتاقحانا, 2 بالاباقشا مەن جەدەل مەديتسينالىق كومەك كورسەتۋ ستانساسى بار. «زاڭسىز يەمدەنىلگەن اكتيۆتەردى مەملەكەتكە قايتارۋ تۋرالى» زاڭ سۋبەكتىلەرى ەسەبىنەن ارقالىق, استانا, الماتى قالالارىندا بىرقاتار الەۋمەتتىك ينفراقۇرىلىم نىسانى سالىنىپ جاتىر.
