ءوڭىردىڭ تىنىس-تىرشىلىگىمەن تانىستى

اكىمدىكتىڭ مالىمەتى بويىنشا, بۇگىندە 29 كم جىلۋ جەلىسى جانە 330 كم ەلەكتر جەلىسى رەكونسترۋكتسيالاندى. قازاندىقتار جوندەلىپ, 50 ەلەكتر ترانسفورماتورلارى اۋىستىرىلدى.

كەڭەس بارىسىندا تەك جە­لى­لەردىڭ عانا ەمەس, ەلەكتر پودس­تانسالارىنىڭ قۇرىلىسى دا ۇلتتىق جوباعا ەنگىزىلۋى ۇسى­نىلىپ, ماقۇلداندى. وسى­لايشا, شىمكەنتتە 400 كم-دەن استام ەسكىرگەن ەلەكتر جەلىلەرىن اۋىس­تىرۋ جانە قۋاتى 125 مۆت بولاتىن جاڭا «قىزىلسۋ» ەلەكتر پودستانساسىنىڭ قۇرىلىسى قاراستىرىلىپ جاتىر.

ۆيتسە-پرەمەر اكىمشىلىك-ىسكەرلىك ورتالىقتاعى قازاندىق جۇمىسىن تەكسەردى. قازاندىق قالانىڭ 10%-ىن جىلۋمەن جانە ىستىق سۋمەن قامتاماسىز ەتىپ وتىر. جەرگىلىكتى بيلىك 2027 جىلعا دەيىن قولدانىستاعى 5 قازاندىققا قوسا جالپى قۋاتى 120 گكال بولاتىن 4 قازاندىق ورناتۋدى جوس­پارلاپ وتىر, بۇل قالاعا جىلۋ بەرۋ كولەمىن 20%-عا ارتتىرادى.

بۇعان قوسا, قانات بوزىم­باەۆ قالانى 70% جىلۋ جانە 30% ەلەكتر ەنەرگيامەن قام­تاماسىز ەتە­تىن وڭىردەگى جال­عىز تەتس-3 ستان­ساسىن ارالادى. تەتس-3-ءتىڭ قا­لاعا دەيىنگى جىلۋ جەلىسىنىڭ جال­پى ۇزىندىعى 60 كم-گە جۋىق, ال ونىڭ 90%-ى توز­عان. وسىعان باي­لا­نىس­تى, ۇلتتىق جوباعا وسى جى­لۋ جە­­لى­لە­رى­نىڭ 17 شاقىرىمىن رە­كونسترۋك­تسيالاۋعا قوسۋ تۋرالى شەشىم قابىلداندى.

سونىمەن قاتار ۆيتسە-پرەمەر قۋاتى 40 مۆت بولاتىن «دەندروپارك» ەلەكتر پودستان­تسياسىنىڭ جۇمىسىمەن تانىس­تى. اكىمدىكتىڭ مالىمەتىنشە, جوبا 2024 جىلى ء«تاريفتى ينۆەس­تيتسياعا ايىرباستاۋ» ينۆەس­تيتسيالىق باعدارلاماسى اياسىندا بيۋدجەتتىك قاراجاتسىز ىسكە اسى­رىلدى. ەلەكتر پودستانساسى جاڭا تۇرعىن اۋدانداردى ساپا­لى ەلەكتر ەنەرگياسىمەن قام­تا­ماسىز ەتۋگە مۇمكىندىك بەرەدى.  جالپى, شىمكەنتتە ۇلتت­ىق جوبا  «دەندروپارك» ەلەكتر پودستانسا­سىنىڭ ۇلگىسىنە ساي بيۋد­جەتتىك قاراجاتسىز جۇزەگە اسادى.

جۇمىس ساپارى بارىسىندا قانات بوزىمباەۆ شىمكەنت قالاسىنىڭ تجد «كوكتەم-2025» رەسپۋبليكالىق كوماندالىق-شتابتىق وقۋ-جاتتىعۋىمەن تانىسىپ, بادام وزەنىندەگى جاعا­لاۋدى قورعاۋ بوگەتتەرىن تەكسەر­دى. التى ەلدى مەكەننەن وتەتىن وزەندە ارنانى تۇزەتۋ بويىن­شا ينجەنەرلىك قۇرىلىس جۇمىس­تارى جۇرگىزىلگەن.