ۇلىبريتانيا تاعىنىڭ تاعى ءبىر مۇراگەرى دۇنيەگە كەلدى

استانا. 2 مامىر. ۇلىبريتانيا حانزاداسى ۋيليام ەكىنشى رەت اكە اتاندى. بۇگىن ونىڭ ايەلى, كەمبريدج گەرتسوگينياسى كەيت ميددلتون قىز بالانى دۇنيەگە اكەلدى. بۇل تۋرالى vesti.ru حابارلادى. اتالعان دەرەكتى ۋيليام حانزادا مەن كەيتتىڭ رەسمي رەزيدەنتسياسى كەنسينگتون سارايى دا راستاپ وتىر. ساراي قىزمەتى تاراتقان مالىمەتكە سۇيەنسەك, جاڭا تۋعان نارەستەنىڭ سالماعى 3,6 كيلو بولعان. دارىگەرلەردىڭ ايتۋىنشا, قازىر انا مەن ءسابيدىڭ دەنساۋلىعى جاقسى. پاتشايىم ەليزاۆەتا ءىى-گە شوبەرەسىنىڭ دۇنيەگە كەلگەنى تۋرالى حاباردى دەرەۋ جەتكىزگەن. ءسابيدىڭ ەسىمى تۋرالى ناقتى دەرەك ءالى ايتىلعان جوق. دەسەك تە, بۋكمەكەرلىك ورتالىقتار ەڭ تانىمال ەسىمدەردىڭ ءتىزىمىن جاساپ, ءباس قابىلداۋدى باستاپ كەتتى. ازىرگە اليسا ەسىمى كوش باستاپ تۇر. دۇنيە ەسىگىن جاڭا اشقان كىشكەنتاي حانشايىم ۇلىبريتانيا تاعىنىڭ ءتورتىنشى مۇراگەرى بولدى. ونىڭ الدىندا اتاسى چارلز حانزادا, اكەسى ۋيليام حانزادا جانە تۋعان اعاسى دجوردج حانزادا بار. ۋيليام حانزادا مەن كەيت ميددلتوننىڭ ۇلكەن ۇلدارى دجوردج حانزادا وسى جىلدىڭ شىلدە ايىندا ەكى جاسقا تولاتىنىن ايتا كەتەيىك. ەلامان قوڭىر. دەرەك, سۋرەت: vesti.ru.