باعلان تورەبەكوۆتىڭ باسپا ىسىمەن اينالىسىپ جۇرگەنىنە وتىز جىلعا جۋىقتاپ قالىپتى. بۇل سالانىڭ قىر-سىرىن مەڭگەرىپ, باسقالارعا ءتالىمىن ۇيرەتۋگە ابدەن جەتەتىن ۋاقىت. ول كەزىندە ماماندىعىن دۇرىس تاڭداعانىنا ەشقاشان كۇمان كەلتىرگەن دە, وكىنگەن دە ەمەس. كەرىسىنشە, ماماندىعىن ماقتان تۇتادى, جۇمىسى وتە ساپالى ەكەنىنە سەنىمدى. ناعىز ۋاقىت تالابىنا ساي, وزىنە دە, جۇرتقا دا پايدالى, شىعارماشىلىق شابىت پەن قابىلەتتى قاجەت ەتەتىن ىسپەن شۇعىلدانادى.
«ەڭبەك جولىمدى 1985 جىلى قاراعاندى پوليتەحنيكالىق ينستيتۋتىندا وقىتۋشى قىزمەتىنەن باستادىم. 1996 جىلدان باستاپ پوليگرافيا جانە باسپا ءىسى سالاسىندا جۇمىس ىستەيمىن. العاشقىدا ديزاينەر بولىپ, ءارتۇرلى باعدارلامالاردى مەڭگەردىم. كەيىنىرەك كوپتەگەن باسپا, كەسۋ, جەلىمدەۋ جانە باسقا دا جابدىقتارمەن جۇمىس ىستەۋدى ۇيرەندىم. قازىرگى ۋاقىتتاعى جۇمىسىم دا وسى پوليگرافيامەن تىكەلەي بايلانىستى», دەدى باعلان تولەۋ ۇلى.
بۇل كىسى قر ءپىب پرەزيدەنتتىك ورتالىعىنىڭ ءىس-شارالارىن وتكىزۋگە تىكەلەي اتسالىساتىن ادام. سەبەبى, ءىس-شارانىڭ جوعارى دەڭگەيدە ءوتۋى ء ۇشىن ۇسىنىلاتىن تيپوگرافيالىق ونىمدەر دە ساپالى بولۋى كەرەك.
«مەن ءۇشىن بۇل شىعارماشىلىق ىزدەنىس پەن ەنەرگيانى تالاپ ەتەتىن قىزىقتى ءارى كوڭىلدى جۇمىس. پرەزيدەنت ق.ك.توقاەۆ جاريالاعان بيىلعى جۇمىسشى ماماندىقتار جىلى مەن سياقتى قاراپايىم, ءوز ماماندىعىن جەتىك مەڭگەرگەن ەڭبەك ادامدارىن قولداۋ دەپ بىلەمىن. قازاقستاننىڭ قارقىندى دامۋىنا جان-جاقتى دامىعان, باسەكەگە قابىلەتتى جاستار مەن بىلىكتى ماماندار عانا ەلەۋلى ۇلەستەرىن قوساتىنىنا سەنىمدىمىن», دەدى ب.تولەۋ ۇلى
باعلان تولەۋ ۇلى جاس ماماندارعا اعالىق اقىل-كەڭەسىن ايتىپ, بىلگەنىمەن ءبولىسىپ, باي تاجىريبەسىن ۇيرەتۋدەن شارشامايدى. ۇيرەنگەنىڭمەن توقتاپ قالماي, جەتىلە بەرۋ كەرەك دەيدى. سول ءۇشىن دە ول كىسىنىڭ ىرگەلى ۇجىمدا ەلەۋلى ورنى بار.
ءبىز باسپاگەردىڭ ەسەلى ەڭبەگىنە تابىس تىلەيمىز!
