قتج كەڭسەسىن ارالاۋ بارىسىندا گرۋزيا پرەمەر-ءمينيسترى «بىرىڭعاي تسيفرلىق تەرەزە» قوسىمشاسىنىڭ جانە تەمىرجول كولىگىندەگى «اقىلدى» جۇيەنىڭ جۇمىسىمەن تانىستى. بۇل يننوۆاتسيالىق شەشىمدەر راسىمدەردى جەڭىلدەتۋگە, جۇك تاسىمالداۋ ۋاقىتىن قىسقارتۋعا جانە تەمىرجول لوگيستيكاسى سالاسىنداعى اشىقتىقتى قامتاماسىز ەتۋگە باعىتتالعان.
بۇگىندە «قازاقستان تەمىر جولى» ۇك» اق مەن «گرۋزيا تەمىر جولى» اق اراسىندا ەكى ەلدىڭ ترانزيتتىك اعىندارى مەن ەكونوميكاسىن جانداندىرۋعا ىقپال ەتەتىن سەرىكتەستىك ورناعان. سونىمەن قاتار ترانسكاسپي حالىقارالىق كولىك باعىتىنىڭ مۋلتيمودالدى قىزمەتىن دامىتۋ ماقساتىندا قۇرىلعان «Middle Corridor Multimodal Ltd.» بىرلەسكەن كاسىپورنى اياسىندا ىنتىماقتاستىق ورناتىلدى.
تاراپتار پورتتار مەن تەرمينالداردىڭ الەۋەتىن اشا وتىرىپ, قولدا بار كولىك-لوگيستيكالىق مۇمكىندىكتەردى پايدالانۋ ارقىلى جۇك تاسىمالى كولەمىن ارتتىرۋ جۇمىسىن جانداندىرۋ نيەتىن راستادى.
2024 جىلى قازاقستاننان گرۋزياعا ەكسپورت 34%-عا, ەلىمىز ارقىلى ترانزيت 2023 جىلمەن سالىستىرعاندا 40%-عا ءوستى. 2024 جىلى ەكى ەل اراسىنداعى تاسىمالداۋ كولەمى 4,7 ملن توننا بولدى. جالپى, كەيىنگى 4 جىلدا قازاقستان – گرۋزيا باعىتى بويىنشا جۇك تاسىمالى 9 ەسەگە, تحكب بويىنشا 6 ەسەگە ءوستى.
