فورت-شەۆچەنكو قالاسىندا كەمە جوندەۋ كاسىپورنى سالىنۋدا

اقتاۋ. 2 مامىر. ماڭعىستاۋ وبلىسى فورت-شەۆچەنكو قالاسىندا كاسپي تەڭىزىندە جۇزەتىن كەمەلەردىڭ بارلىق ءتۇرى جوندەلەتىن بولادى. بۇل تۋرالى egemen.kz ءتىلشىسى حابارلادى. يندۋستريالدى-يننوۆاتسيالىق دامۋدىڭ ەكىنشى بەسجىلدىعىنا كىرەتىن جوبانى «ساعا اتاش» كەمە جوندەۋ-قۇرىلىس كاسىپورنى قولعا الماق. كاسىپورىن باسشىلىعى كەمەلەردى جوندەۋگە, قالپىنا كەلتىرۋگە مۇمكىندىك بەرەتىن جاڭا دوكتى ورناتىپ قانا قويماي, كەمە قۇرىلىسىمەن دە اينالىسۋدى جوسپارلاۋدا. كەلەشەكتە اتالعان كاسىپورىندا وتاندىق كەمە ءوندىرىسى دامۋى مۇمكىن. ءوندىرىستى جاڭعىرتۋعا كەمەسىن جوندەۋ ىسىنە سۇرانىستىڭ ارتۋى سەبەپ بولعان. ماماندار جاڭا جوباعا 20 ملن. دوللار قاراجات جۇمسالادى دەگەندى العا تارتۋدا. «بولاشاقتا كاسپي تەڭىزىندە پايدالانىلاتىن بارلىق كەمەگە قىزمەت كورسەتۋگە مۇمكىندىك بەرەتىن 8,5 مىڭ توننالىق جۇكتى كوتەرۋگە قاۋقارلى دوك ساتىپ الۋدى جوسپارلاپ وتىرمىز. كورپۋستى مەحانيكالىق تسەح تۇرعىزعان سوڭ, كەمەنى ءوزىمىز جاساپ شىعاراتىن بولامىز», – دەيدى «ساعا اتاش» كاسىپورنى ديرەكتورىنىڭ ورىنباسارى ساقىن اعاەۆ. قازىر وندىرىستە 90 ادام ەڭبەك ەتەدى. كەلەشەكتە كەمە جوندەۋ كاسىپورنىنىڭ قىزمەتىن كەڭەيتۋ, جاڭا جۇمىس ورىندارىن اشىپ, جۇمىسشىلار سانىن 200-گە دەيىن ارتتىرۋ جوسپاردا بار. گۇلايىم شىنتەمىرقىزى. دەرەك, سۋرەت: egemen.kz.