فوتو: kazgazeta.kz
ورتالىق ونەركاسىپتىك كووپەراتسيا ەكونوميكالىق جانە ينۆەستيتسيالىق ىنتىماقتاستىقتى دامىتۋعا باعىتتالادى. سونداي-اق, تاراپتاردىڭ شاعىن جانە ورتا ونەركاسىپتىك كاسىپورىندارىن حالىقارالىق قۇن تىزبەگىنە بىرىكتىرىپ, باسەكەگە قابىلەتتىلىگىن ارتتىرادى دەپ جوسپارلانىپ وتىر.
ورتالىق الاڭى 500 شارشى مەتر الاڭدى قۇرايدى. ولار ءار مەملەكەتتىڭ ءوز قۇزىرىنا بەرىلدى. ياعني بىزدىڭ بولىكتى باسقارۋ قر ساۋدا جانە ينتەگراتسيا مينيسترلىگىنە, ال وزبەك بولىگى وزبەكستان رەسپۋبليكاسىنىڭ ينۆەستيتسيالار, يندۋستريا جانە ساۋدا مينيسترلىگىنە جۇكتەلدى.
ساۋدا نىسانى «اتامەكەن» (قازاقستان) جانە «گ ۇلىستان» (وزبەكستان) باقىلاۋ-وتكىزۋ بەكەتتەرى ماڭىنداعى ەلدەردىڭ شەكارالاس ايماقتارىندا ورنالاسادى.
«ولار ورتالىقتىڭ ءبىر بولىگىنەن ەكىنشى بولىگىنە وتەتىن ادامداردى, كولىك قۇرالدارىن, جۇكتەردى, تاۋارلار مەن جانۋارلاردى شەكارالىق, كەدەندىك جانە باسقا دا باقىلاۋ تۇرلەرىن جۇرگىزۋ ءۇشىن پايدالانىلادى. ورتالىق اۋماعىندا شارۋاشىلىق سۋبەكتىلەرى وندىرىستىك كووپەراتسيانى دامىتۋعا باعىتتالعان ءىس-شارالار جۇزەگە اسىرىلادى», دەلىنگەن ءماجىلىس حابارلاماسىندا.
