فوتو: ءسىم-ءنىڭ ءباسپاسوز قىزمەتى
كەزدەسۋ بارىسىندا قازاق-تۇرىكمەن ىنتىماقتاستىعىنىڭ كەڭ اۋقىمدى ماسەلەلەرى, ونىڭ ىشىندە ساياسي, ساۋدا-ەكونوميكالىق, ترانزيت-كولىكتىك, ەنەرگەتيكا جانە مادەني-گۋمانيتارلىق سالالارداعى ءوزارا ءىس-قيمىل بولاشاعى تالقىلاندى.
تاراپتار دوستىق, تاتۋ كورشىلىك جانە ءوزارا قۇرمەت رۋحىنداعى ستراتەگيالىق سەرىكتەستىكتى ودان ءارى نىعايتۋعا بەيىلدىلىگىن ەرەكشە اتاپ ءوتتى.
قازاقستان مەن تۇرىكمەنستاننىڭ سىرتقى ساياسي ۆەدومستۆولارىنىڭ باسشىلارى 2024 جىلعى قازاندا پرەزيدەنت قاسىم-جومارت توقاەۆتىڭ اشحابادقا جاساعان رەسمي ساپارىنىڭ قورىتىندىسى بويىنشا قول جەتكىزىلگەن ۋاعدالاستىقتاردىڭ ءىس جۇزىندە ىسكە اسىرىلۋ بارىسىن جان-جاقتى قاراستىردى. پارلامەنتارالىق جانە ۇكىمەتارالىق بايلانىستاردى نىعايتۋ باعىتىندا ودان ءارى جاردەمدەسۋ بويىنشا كەلىستى.
ساۋدا-ەكونوميكالىق ىنتىماقتاستىقتى ودان ءارى كەڭەيتۋ ماسەلەسىنە ەرەكشە نازار اۋدارىلدى. كەيىنگى ەكى جىلدا قازاقستان مەن تۇرىكمەنستان اراسىنداعى ءوزارا ساۋدا كولەمى تۇراقتى تۇردە 500 ملن دوللاردان اسىپ كەلەدى. مەملەكەت باسشىلارى بەلگىلەگەن ەكىجاقتى تاۋار اينالىمىن 1 ملرد دوللارعا دەيىن ۇلعايتۋ جونىندەگى ماقساتقا جەتۋ ءۇشىن كەلىسىلگەن شارالار قابىلداۋعا ۋاعدالاستى.
ەنەرگەتيكا جانە كولىك سالالارىندا ايتارلىقتاي الەۋەتكە نازار اۋدارىلدى. وسى باعىتتارداعى ءوزارا ءتيىمدى ىنتىماقتاستىقتى ودان ءارى دامىتۋعا دايىندىق ءبىلدىرىلدى.
مادەني-گۋمانيتارلىق ىنتىماقتاستىقتىڭ مازمۇندى كۇن ءتارتىبى ەرەكشە اتالىپ ءوتتى. مەملەكەت باسشىلارىنىڭ تاپسىرماسىنا سايكەس, بىلتىر استانادا ماقتىمق ۇلى ەسكەرتكىشىنىڭ, اشحابادتا اباي مەن قۇرمانعازى ەسكەرتكىشتەرىنىڭ سالتاناتتى اشىلۋ راسىمدەرى ءوتتى, سونداي-اق قازاقستان مەن تۇرىكمەنستاننىڭ مادەنيەت كۇندەرى ۇيىمداستىرىلدى.
كەزدەسۋ بارىسىندا مينيسترلەر وڭىرلىك جانە حالىقارالىق كۇن ءتارتىبىنىڭ وزەكتى ماسەلەلەرى بويىنشا «ساعاتتاردى تەڭەستىردى», كوپجاقتى قۇرىلىمدار شەڭبەرىندە تىعىز ىنتىماقتاستىقتى جالعاستىرۋعا, سونداي-اق ەكى مەملەكەت باستامالارىن ىلگەرىلەتۋ بارىسىندا ءوزارا قولداۋ كورسەتۋگە مۇددەلىلىگىن راستادى. وسىعان بايلانىستى حالىقارالىق ۇيىمدار شەڭبەرىندە ءبىر-ءبىرىنىڭ كانديداتۋرالارىن قولداۋ جونىندەگى ءتيىستى ۆەربالدى نوتالارمەن الماسۋ ءوتتى.
م.نۇرتىلەۋ تۇرىكمەن تاراپىن بىرىككەن ۇلتتار ۇيىمى باس اسسامبلەياسىنىڭ شەشىمىمەن تۇرىكمەنستاننىڭ ۇسىنىسى بويىنشا جاريالانعان حالىقارالىق بەيبىتشىلىك پەن سەنىم جىلىنىڭ باستالۋىمەن قۇتتىقتادى.
سىرتقى ىستەر مينيسترلەرى ورتالىق ازيا مەملەكەتتەرى باسشىلارىنىڭ كونسۋلتاتيۆتىك كەزدەسۋلەرى جانە حالىقارالىق ارالدى قۇتقارۋ قورى شەڭبەرىندە وڭىرلىك ىنتىماقتاستىقتى دامىتۋ, سونداي-اق ورتالىق ازيادا بەيبىتشىلىك پەن تۇراقتىلىقتى نىعايتۋ بويىنشا بىرلەسكەن كۇش-جىگەردىڭ ماڭىزدىلىعىن ەرەكشە اتاپ ءوتتى.
