اتا-انالار مەن زاڭدى وكىلدەر ەسەپتەلگەن قاراجاتتى بىرنەشە تاسىلمەن تەكسەرە الادى:
- «eGov.kz» ەلەكتروندىق ۇكىمەت پورتالىنداعى جەكە كابينەتتە, «تسيفرلىق قۇجاتتار» بولىمىندە;
- eGov Mobile ءموبيلدى قوسىمشاسىنداعى «تسيفرلىق قۇجاتتار» سەرۆيسىندە;
- «kids.enpf.kz» سايتى ارقىلى. دەرەكتەردە قاتە بولسا, نە ىستەۋ كەرەك؟ ەگەر قوسىمشادا نەمەسە پورتالدا بالا تۋرالى دەرەكتەر جوق نەمەسە قاتە كورسەتىلسە, الاڭداۋدىڭ قاجەتى جوق – بۇل بجزق-داعى قاراجاتتىڭ ەسەپتەلۋىنە اسەر ەتپەيدى.
دەرەكتەردى وزەكتەندىرۋ ءۇشىن:
- «eGov Mobile» قوسىمشاسىنداعى «بالالار تۋرالى مالىمەتتەردى وزەكتەندىرۋ» سەرۆيسىن پايدالانۋ قاجەت.
- قاجەتتى دەرەكتەردى ەنگىزىپ, 2-5 جۇمىس كۇنى ىشىندە جاڭارتۋدى كۇتۋ كەرەك.
ءى. بالالار تۋرالى دەرەكتەردەگى قاتەلەردى قالاي تۇزەتۋگە بولادى؟
ەگەر بالا تۋرالى اقپارات دۇرىس كورسەتىلمەسە, تومەندەگى قادامداردى ورىنداۋ كەرەك:
- ءتيىستى تسيفرلىق قۇجاتتى اشىپ, جوعارعى وڭ جاقتاعى ءۇش نۇكتەنى باسۋ قاجەت.
- «قاتە تۋرالى حابارلاۋ» باتىرماسىن تاڭداپ, «بالالار تۋرالى مالىمەتتەردى وزەكتەندىرۋ» سەرۆيسىندەگى فورمانى تولتىرۋ كەرەك.
- تۋ تۋرالى كۋالىكتى تىركەپ, ءوتىنىم جىبەرۋ قاجەت. ءوتىنىم 2-5 جۇمىس كۇنى ىشىندە قارالادى.
ءىى. بالانىڭ دەرەكتەرىن قالاي قوسۋعا بولادى؟
ەگەر جۇيەدە بالا تۋرالى اقپارات كورسەتىلمەسە, ول نىسانالى قاراجاتتىڭ ەسەپتەلۋىنە اسەر ەتپەيدى. دەگەنمەن, دەرەكتەردى قوسۋ ءۇشىن:
- «تسيفرلىق قۇجاتتار» بولىمىنە ءوتىپ, «وتباسى» ءبولىمىن تاڭداۋ كەرەك.
- «بالانى قوسۋ» باتىرماسىن باسىپ, قاجەتتى فورمانى تولتىرۋ قاجەت.
- تۋ تۋرالى كۋالىكتى تىركەپ, ءوتىنىم جىبەرۋ كەرەك. ءوتىنىم 2-5 جۇمىس كۇنى ىشىندە قارالادى.
