عالىمدار قاتەرلى ىسىكتىڭ الدىن 13 جىل بۇرىن الا الادى

استانا. 2 مامىر. قازىر عالىمداردىڭ قاتەرلى ىسىكتى پايدد بولارىنان 13 جىل بۇرىن بولجاي الاتىنى انىقتالىپ وتىر. بۇل تۋرالى باشكورتوستاننىڭ ufatime.ru سايتى حابارلادى. «عالىمدار راكتى رەسمي دياگنوستيكا جاسالاۋىنان 13 جىل بۇرىن بولجاۋدى ۇيرەندى», - دەلىنگەن حابارلامادا. اقش-تىڭ گارۆارد جانە سولتۇستىك-باتىس ۋنيۆەرسيتەتتەرى ماماندارى تالداپ جاساپ شىققان جاڭا تەست ادام ورگانيزمىندە بولاتىن وزگەرىستەردى ون جىلدان استام ۋاقىت بۇرىن-اق بىلەتىن بولىپ شىقتى. زەرتتەۋشىلەر راك اۋرۋىمەن اۋىرۋى ىقتيمال پاتسيەنتتەردىڭ حروموسىنىڭ سوڭىنداعى قورعانىس قالپاقشالارىنىڭ باسقالارعا قاراعاندا تەزىرەك جارامسىز بولىپ قالاتىنىنا كوز جەتكىزدى. ولاردىڭ دنك-سىنداعى قورعانىس بەلدەۋلەرى ادەتتەگى قالپىنان 10-15 جىلعا ەسكى بولىپ كورىنەدى ەكەن. ۋنيۆەرسيتەتتىڭ جەتەكشى مامانى جانە زەرتتەۋ اۆتورى, دوكتور ليفان حوۋدىڭ ايتۋىنا قاراعاندا, مۇنداي زاڭدىلىق راك اۋرۋىنىڭ الدىن الۋداعى جاڭا دياگنوستيكالىق بيوماركەر بولۋى ابدەن مۇمكىن. مۇرات ايتقوجا. دەرەك: ufatime.ru. فوتو: abibiometrics.com.