ولاردىڭ اراسىنان پلاستيك قۇتىلار, رەزەڭكە ماتەريالدار, قاعاز قيىندىلارى, سىنعان اعاش-بۇتاقتار, كيىمدەر مەن ماتا قيىندىلارىنان كۇندەلىكتى تۇرمىسقا قولدانىلاتىن بۇيىمدار ەرەكشەلەندى. سونىڭ ىشىندە پلاستيك قالدىقتارىنان جاسالعان گۇل سالاتىن قۇمىرا, قالىڭ ماتادان تىگىلگەن ءاسۇي قولعاپتارى مەن توسەنىشتەر, جاس وسكىندەرگە ارنالعان ۇياشىقتار, كىرەبەرىسكە جايىلاتىن رەزەڭكە توسەنىشتەر جۇرتتىڭ نازارىن اۋداردى.
وقۋشىلارىنىڭ تۋىندىلارىن تاماشالاۋعا كەلگەن اقتوبە قالاسىنداعى №40 ورتا مەكتەپتىڭ بيولوگيا ءپانى مۇعالىمى فاريدا ءسۇيىن وسى جوبانىڭ ومىرشەڭدىگىن اتاپ ءوتتى. بىرىنشىدەن, قولدانىستان شىعىپ قالعان بۇيىمداردى قايتا كادەگە جاراتۋ ارقىلى بالا بويىندا ەكولوگيالىق مادەنيەت قالىپتاسادى. ەكىنشىدەن, تىگىنشىلىك, قولونەرشىلىك, ۇستالىق ونەردى مەڭگەرۋگە دەگەن قۇلشىنىس تۋدىرادى. ۇشىنشىدەن, تۇرمىستىق بۇيىمدى قولدان جاساۋ ارقىلى قارجى ۇنەمدەۋگە بولاتىنىنا كوز جەتكىزەدى. بۇل ءارى تاربيە, ءارى ماماندىققا باۋلۋ, ءارى شەبەرلىكتى وياتۋ, ءارى تابيعاتقا دەگەن جاناشىرلىقتىڭ كورىنىسى. بايقاۋ قورىتىندىسى بويىنشا قازىلار القاسى ەڭ ۇزدىك كرەاتيۆتى جوبالاردى اتاپ, باعالى سىيلىقتار تابىستادى.
اقتوبە وبلىسى
