اقش ازاماتتارىنىڭ 61 پايىزى حيللاري كلينتونعا سەنبەيدى

استانا. 2 مامىر. اقش ازاماتتارىنىڭ جارتىسىنان كوبى بۇرىنعى مەملەكەتتىك حاتشى, دەموكراتيالىق پارتيا اتىنان ەل پرەزيدەنتتىگىنە ءوز كانديداتۋراسىن ۇسىنۋ ءۇشىن جۇمىس جۇرگىزىپ جاتقان حيللاري كلينتونعا سەنبەيدى. بۇل تۋرالى ريا «نوۆوستي» حابارلادى. Associated Press اگەنتتىگىنىڭ تاپسىرىسى بويىنشا GFK فيرماسى جۇرگىزگەن ساۋالناما ناتيجەسىندە ەل ازاماتتارىنىڭ 61 پايىزى حيللاري حانىمدى ءادىل باسشى سانامايتىنى بەلگىلى بولدى. ال حالىقتىڭ 37 پايىزى ەلدىڭ بۇرىنعى ءبىرىنشى حانىمىن جۇمىسىنا ادال دەپ سانايدى. الداعى پرەزيدەنتتىك سايلاۋعا ءوز كانديداتۋراسىن ۇسىنۋىن رەسپوندەنتتەردىڭ 44 پايىزى «ەلدىڭ دامۋىنا تىڭ سەرپىن بەرەتىن باستاما» دەپ باعالاسا, 53 پايىزى قارسى پىكىر بىلدىرگەن. جالپى, حيللاري حانىمنىڭ پرەزيدەنت بولۋ ءۇشىن جاساپ جاتقان تالپىنىسىنا امەريكالىقتاردىڭ 46 پايىزى وڭ قاباق تانىتۋدا. ال 41 پايىزى ساياساتكەردىڭ ەلدى باسقارۋعا قارىم-قابىلەتى جەتپەيتىنىن ايتقان. ەلامان قوڭىر. دەرەك, سۋرەت: ريا «نوۆوستي».