قازىر ەكىنشى جانە ءۇشىنشى اتوم ەلەكتر ستانسالارىن سالۋعا بولاتىن ىقتيمال الاڭدارعا تالداۋ جۇرگىزىلىپ جاتىر. بۇل قادام ەلدىڭ ەلەكتر ەنەرگياسىنا ءوسىپ كەلە جاتقان قاجەتتىلىگىن جانە ەنەرگيامەن جابدىقتاۋ كوزدەرىن ءارتاراپتاندىرۋ قاجەتتىلىگىن ەسكەرە وتىرىپ, دەر كەزىندە قابىلدانعان قاجەتتى شارا بولىپ ەسەپتەلەدى. ەڭ باستىسى تۇراقتى ەنەرگيا كوزى ارقىلى ەكونوميكانىڭ قالىپتى دامۋىن قامتاماسىز ەتەدى. بۇل ىستە ءبىز دامىعان ەلدەردىڭ جول العان باعىتىنا قاراپ ۇمتىلۋىمىز كەرەك.
ەلەكتر ەنەرگياسىن ءوندىرۋ ءادىسى جاسىل ءارى تۇراقتى. ەۋروپادا 2030 جىلعا قاراي ەلەكتر ەنەرگياسىنا سۇرانىس 50%-عا ارتپاق. ەو ەلەكتر ەنەرگياسىنا دەگەن سۇرانىستى قالاي ارزان, سەنىمدى, قاۋىپسىز ءارى ەكولوگيالىق تازا تۇردە قاناعاتتاندىرا الادى؟ بۇل سۇراققا ەۋروپا ەلدەرىنىڭ اتوم ەنەرگەتيكاسىن دامىتۋ يدەياسىنا قايتا ورالىپ, بۇرىن جابىلعان اتوم ەلەكتر ستانسالارىن قايتا ىسكە قوسۋ جۇمىستارىن كۇشەيتۋ فاكتىسى جاۋاپ بولماق. ادامزاتتىڭ ەلەكتر ەنەرگياسىنا دەگەن قاجەتتىلىگىن ارزان, سەنىمدى, قاۋىپسىز جانە قورشاعان ورتاعا زيانسىز قاناعاتتاندىراتىن ەنەرگيانىڭ ءبىر عانا ءتۇرى بار. ول – يادرولىق ەنەرگيا. مۇنى ەۋروپالىقتار الدەقاشان مويىنداپ قويعان.
قاڭتاردا جاريالانعان حالىقارالىق ەنەرگەتيكالىق اگەنتتىكتىڭ (حەا) «يادرولىق ەنەرگيانىڭ جاڭا داۋىرىنە اپاراتىن جول» بايانداماسىنا سايكەس يادرولىق ەنەرگەتيكا جاھاندىق ەنەرگەتيكالىق قاۋىپسىزدىككە جانە دەكاربونيزاتسياعا قول جەتكىزۋدە ماڭىزدى ءرول اتقارادى.
ايدىن باقدولاتوۆ,
كليماتتىڭ وزگەرۋى ورتالىعىنىڭ ديرەكتورى
