سۋرەت: senate.parlam.kz
ءىس-شارا كەدەندىك اكەلۋ باجدارىنىڭ سوماسىن ءبولۋ ۇدەرىسىندە تۋىندايتىن وزەكتى ماسەلەلەر مەن پروبلەمالاردى تالقىلاۋ جانە وسى راسىمدەردى جەتىلدىرۋ بويىنشا ۇسىنىستار ازىرلەۋ ماقساتىندا ۇيىمداستىرىلدى.
ەاەو ەلدەرىنىڭ قارجى تۇراقتىلىعى مەن ەكونوميكالىق ءال-اۋقاتىندا اكەلۋ باجدارىن ەسەپكە الۋ جانە ءبولۋ ماسەلەسى ماڭىزدى ءرول اتقارادى. الايدا شەشۋدى تالاپ ەتەتىن ماسەلەلەر بار. ولاردىڭ ىشىندە مۇشە مەملەكەتتەردىڭ بيۋدجەتتەرىنە باج سوماسىنىڭ بولىنبەۋى, قاتە اۋدارىلعان قارجىنى قايتارۋ جانە كىرىستەردى بولۋدەگى تەڭگەرىمسىزدىك, اسىرەسە قازاقستان سياقتى ءىرى سىرتقى ساۋدا اعىنى بار ەلدەرگە بايلانىستى پروبلەمالار بار.
ءىس-شاراعا جوعارى اۋديتورلىق پالاتانىڭ, قارجى, ۇلتتىق ەكونوميكا, سونداي-اق ساۋدا جانە ينتەگراتسيا مينيسترلىكتەرىنىڭ وكىلدەرى قاتىستى. قاتىسۋشىلار تالقىلاۋ بارىسىندا مەملەكەتتىك ورگاندار وكىلدەرىنىڭ سويلەگەن ءسوزىن تىڭدادى جانە ۇسىنىستار مەن ۇسىنىمداردى تالقىلادى. سونداي-اق باجدى قابىلداۋ جانە ءبولۋ راسىمدەرىن جاقسارتۋ مۇمكىندىكتەرى قارالدى.
جەر قويناۋىن پايدالانۋ سالاسىنداعى 2010 جىلعى 1 شىلدەگە دەيىن جاسالعان كەلىسىمشارتتار جانە ولاردىڭ باجداردى ەسەپكە الۋ ۇردىسىنە اسەرىنە ەرەكشە نازار اۋدارىل-
دى.
تالقىلاۋ بارىسىندا ايتىلعان ۇسىنىستار مەن ەسكەرتۋلەرگە تالداۋ جاسالدى. ولار دوڭگەلەك ۇستەل قورىتىندىسى بويىنشا ۇسىنىمدار توپتاماسىنا ەنگىزىلەدى.
