سۋرەت: astanatv.kz
بەلگىلەنگەن كۇن تارتىبىنە سايكەس الداعى بەيسەنبىدە سەناتورلار «قازاقستان رەسپۋبليكاسىنىڭ بيۋدجەت كودەكسى جونىندە» جانە وعان ىلەسپە «قازاقستان رەسپۋبليكاسىنىڭ كەيبىر زاڭنامالىق اكتىلەرىنە بيۋدجەت زاڭناماسىن جەتىلدىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ جانە «كونتسەسسيالار تۋرالى» قازاقستان رەسپۋبليكاسى زاڭىنىڭ كۇشى جويىلدى دەپ تانۋ تۋرالى» زاڭداردى قارايدى. بيۋرو مۇشەلەرى مەملەكەت باسشىسى 2022 جىلعى 1 قىركۇيەكتەگى «ادىلەتتى مەملەكەت. ءبىرتۇتاس ۇلت. بەرەكەلى قوعام» اتتى جولداۋىندا جۇكتەگەن مىندەتتەردى جۇزەگە اسىرۋ ماقساتىمەن اتالعان ءتيىستى قاۋلىنى قابىلدادى.
زاڭ بيۋدجەتتىك پروتسەستى تۇبەگەيلى وڭايلاتۋدى, «بيۋدجەتتى باسقارۋدان» «ناتيجەلەردى باسقارۋعا» كوشۋ جولىمەن بيۋدجەتتىك ساياسات مودەلىن رەفورمالاۋدى, سونداي-اق بلوكتىك بيۋدجەت ەلەمەنتتەرىن ەنگىزۋدى, بيۋدجەتتىك ساياساتتىڭ شەكتى پارامەترلەرىن ايقىنداۋدى جانە فيسكالدىق ورتالىقسىزداندىرۋدى كۇشەيتۋدى كوزدەيدى.
بيۋرودا دەپۋتاتتار وسى اپتادا ناقتى ماسەلەلەرگە ارنالىپ وتكىزىلەتىن وتىرىستاردىڭ كۇن ءتارتىبىن دە پىسىقتادى. اتاپ ايتقاندا, ەاەو شەڭبەرىندە كەدەندىك اكەلۋ باجدارى, زياتكەرلىك مەنشىك, ەلىمىزدىڭ ماقتا سالاسىن دامىتۋ جانە ونى قايتا وڭدەۋ سياقتى بىرقاتار وزەكتى تاقىرىپ بويىنشا ۇيىمداستىرىلاتىن وتىرىستار تۋرالى ءسوز بولدى.
سونىمەن قاتار بيۋرودا بۇعان دەيىن ماجىلىستەن كەلىپ تۇسكەن زاڭدار جۇمىس ءۇشىن سەناتتىڭ تۇراقتى كوميتەتتەرىنە ءبولىنىپ بەرىلدى.
