قىرعىزدار تاجىكستاننىڭ ەسىرتكىمەن كۇرەسۋشىلەرىن شەكارادا ۇستادى

استانا. 2 مامىر. قىرعىزستان ازاماتتارى تاجىكستان پرەزيدەنتى جانىنداعى ەسىرتكىگە باقىلاۋ جاساۋ جونىندەگى اگەنتتىكتىڭ قىزمەتكەرلەرىن شەكارادا 80 كگ سىناپپەن قولعا ءتۇسىردى. بۇل تۋرالى تاجىكستاننىڭ «وزودي» راديوسى حابارلادى. مانبەنىڭ جەتكىزۋىنشە, قىرعىزستان بيلىگى تاجىكستاننىڭ ەسىرتكىنى باقىلاۋ جونىندەگى اگەنتتىگىنىڭ قىزمەتكەرىن قولعا تۇسىرگەن. ولار 30 ءساۋىر كۇنى قىرعىزدىڭ قارا-بەك ايىلىمەن شەكتەسەتىن لاككون يسفارا دجامواتى تۇسىندا 80 كگ تارتاتىن سىناپتى الىپ, شەكارانى كەسىپ وتپەك بولعان. ونىڭ ايتۋىنا قاراعاندا, قارا-بەك ايىلىنىڭ تۇرعىندارى بۇلاردىڭ اراسىندا قولعا تۇسكەن قىرعىزداردى بوساتۋدى تالاپ ەتكەن جيىن وتكىزگەن. سول سياقتى تاجىكستان جاعى دا ءوز قىزمەتكەرلەرىن شىعارىپ الۋ جونىندە كەلىسسوز جۇرگىزگەن. قىرعىزستان مەملەكەتتىك شەكارا قىزمەتىنىڭ بولجامى بويىنشا, باتكەن اۋدانىنىڭ قارا-بەك دەگەن جەرىندە 2015 جىلعى 30 ءساۋىر كۇنى قىرعىز شەكاراشىلارى تاجىكستاننىڭ 7 ازاماتىن قولعا تۇسىرگەن. ولاردىڭ ۇشەۋى تاجىكستان رەسپۋبليكاسى ەسىرتكىنى باقىلاۋ اگەنتتىگىنىڭ قىزمەتكەرلەرى بولىپ شىقسا, تاعى ۇشەۋى قىرعىزستان ازاماتتارى كورىنەدى. قازىر مامىردىڭ 2-ءسى كۇنى بولعان جاعدايدى انىقتاپ, ءىستىڭ ودان ارى ءوربۋ سيپاتىنا كەلىسۋ ءۇشىن قىرعىزستان مەن تاجىكستان شەكارا قىزمەتتەرىنىڭ وكىلدەرى كەزدەسپەكشى. قۇرىش نۇرىمبەت. دەرەك, سۋرەت: وزودي.