سۋرەت: primeminister.kz
ينۆەستيتسيا تارتۋ, تۋريزم, ينفراقۇرىلىم جانە باسقا دا ەل ەكونوميكاسىنا سەرپىن بەرەتىن سالالاردى دامىتۋداعى كەيبىر كەدەرگىلەردى قولمەن قويعانداي كورسەتىپ, ولاردى شەشۋ جولدارىن اتاپ ايتىپ بەردى. اۋىل شارۋاشىلىعى مەن اۋىلدىق اۋماقتاردى دامىتۋ ماسەلەسىنە ارنايى توقتالىپ, نەگىزگى باعىتتارىن بەلگىلەدى.
ءبىرىنشى. وتكەن جىلدىڭ قورىتىندىسىندا ەكونوميكانىڭ ەڭ قارقىندى دامىپ كەلە جاتقان سالالارىنىڭ بىرىنە اينالعان اگرارلىق سەكتوردى قولداۋ ءۇشىن 2025 جىلى كوكتەمگى دالا جۇمىستارىنا كەمىندە 700 ملرد تەڭگە جەڭىلدەتىلگەن نەسيە بولىنەدى. بۇل تيىمدىلىگى تومەن سۋبسيديالاۋ تاسىلىنەن ارىلۋدىڭ باسى بولماق.
ەكىنشى. اگرارلىق سالا كوبىرەك تابىس اكەلەتىن ءداندى داقىلداردى وسىرۋگە كوشۋدى جالعاستىرادى. ءونىمدى ساقتاۋ, تەرەڭ وڭدەۋ جانە ەكسپورتتاۋ مۇمكىندىگى ارتادى.
ءۇشىنشى. مال شارۋاشىلىعىنداعى جۇقپالى اۋرۋلارمەن كۇرەس, ءۇي جانۋارلارىنا ەكپە ەگۋ ەرەكشە باقىلاۋدا بولادى.
ءتورتىنشى. اۋىلدى دامىتۋدا ينفراقۇرىلىمدى جاڭعىرتۋعا, بيزنەستى قولداۋعا باسىمدىق بەرىلەدى. ول ءۇشىن «اۋىل اماناتى» مەن «اۋىل – ەل بەسىگى» جانە باسقا باعدارلامالار ءبىر قۇجاتقا بىرىكتىرىلەدى. اۋىل حالقى قارجىلىق جانە مەملەكەتتىك قىزمەتتەردەن قول ءۇزىپ قالماس ءۇشىن شالعاي ەلدى مەكەندەردەگى «قازپوشتا» بولىمشەلەرىنىڭ ۇزدىكسىز جۇمىسى قامتاماسىز ەتىلەدى.
سەرىك ەگىزباەۆ,
ءماجىلىس دەپۋتاتى
