فوتو: «قازاقستان حالقىنا» قوعامدىق قورى
بولات جامىشەۆ بۇل قىزمەتكە 2022 جىلدىڭ قاڭتار ايىندا تاعايىندالعان. ول وكىلەتتىك مەرزىمىنىڭ اياقتالۋىنا بايلانىستى قورداعى جۇمىسىن اياقتاۋ تۋرالى شەشىم قابىلداعان.
ايتا كەتەيىك, بولات جامىشەۆ قوردىڭ قالىپتاسۋى مەن دامۋىنا زور ۇلەس قوستى. قور 104 قايىرىمدىلىق باعدارلاماسى مەن جوباسىنا باستاماشى بولىپ, ونىڭ 62-ءسىن ىسكە اسىردى. 29 قاڭتاردا قر پرەزيدەنتى جانىنداعى ورتالىق كوممۋنيكاتسيالار قىزمەتى الاڭىندا قور باسقارماسىنىڭ مۇشەلەرىنىڭ قاتىسۋىمەن وتكەن بريفينگتە «قازاقستان حالقىنا» قورىنىڭ جۇمىس ناتيجەلەرى تۋرالى بايانداعان.
«قوردا جۇمىس ىستەۋ مەن ءۇشىن ۇلكەن مارتەبە جانە جاۋاپكەرشىلىكتى ءىس بولدى. قور قىزمەتىندە ءبىزدىڭ باستامالارىمىزدى قولداعانداردىڭ بارلىعىنا شىن جۇرەكتەن العىس ايتامىن. ءبىز بىرىگىپ ايتارلىقتاي ناتيجەلەرگە قول جەتكىزدىك جانە قوردىڭ جاڭا باسشىلىقپەن ءوز دامۋىن جالعاستىرا بەرەتىنىنە سەنىمىم مول. بارلىق سەرىكتەستەرگە, دونورلارعا جانە قىزمەتكەرلەرگە ورتاق يگى ىسىمىزگە قوسقان ۇلەسى ءۇشىن العىس ايتامىن», دەدى بولات جامىشەۆ.
«قازاقستان حالقىنا» قوعامدىق قورى قامقورشىلىق كەڭەسىنىڭ شەشىمىمەن باسشى لاۋازىمىنا لاززات شىڭعىسباەۆا سايلاندى. ول 2025 جىلدىڭ 1 اقپانىنان باستاپ قىزمەتىنە كىرىسەدى.
ايتا كەتەيىك, ل.شىڭعىسباەۆا بۇعان دەيىن «قازاقستان حالقىنا» قورى باسقارما توراعاسىنىڭ ورىنباسارى قىزمەتىن اتقارىپ, مەملەكەتتىك ناگرادا – «ەرەن ەڭبەگى ءۇشىن» مەدالىمەن, «اتامەكەن» ۇكپ قۇرمەتتى قىزمەتكەرى» مەدالىمەن ماراپاتتالعان.
