مارقۇم قىزدىڭ اتا-اناسىنا العاش رەت بەس ايىپتالۋشىنىڭ ۇكىمىنە قاتىسۋعا رۇقسات بەرىلدى.
اپەللياتسيالىق سوت ءىس بويىنشا باستى ايىپتالۋشىنى ءومىر بويىنا باس بوستاندىعىنان ايىرۋ تۋرالى ۇكىم شىعاردى. بۇعان دەيىن ءبىرىنشى ساتىداعى سوت ونى 20 جىلعا باس بوستاندىعىنان ايىرعان بولاتىن. تاعى ءبىر ايىپتالۋشى 16 جىلعا, قالعاندارى 13 جىل 6 ايعا جانە 13 جىلعا باس بوستاندىعىنان ايىرىلدى. ءبىرىنشى ساتىداعى سوت ولاردى 8,5 جىلعا باس بوستاندىعىنان ايىرعان ەدى.
جابىرلەنۋشى جاققا 19 618 415 تەڭگە ماتەريالدىق شىعىن جانە 30 ميلليون تەڭگە مورالدىق شىعىن ءوندىرىلدى.
ايتا كەتەيىك, بۇعان دەيىن اقتاۋدا ءبىر توپ ەر ادام قىزدى كولىككە كۇشتەپ وتىرعىزىپ, زورلىق-زومبىلىق كورسەتىپ, ەسىرتكى قولدانۋعا ماجبۇرلەگەن. مۇنداي قورلىققا شىداماعان قىز وتكەن جىلدىڭ مامىر ايىندا ءوز-وزىنە قول سالعان.
