فوتو: baq.kz
سونىڭ ىشىندە كوپتەن كوپشىلىك كوكەيىندەگى كەلەلى ماسەلەگە اينالعان ءمامس-ءتى رەفورمالاۋ دا بار.
سالاداعى سان جايدى ساراپتاپ جۇرگەن الەۋمەتتانۋشى اقانوۆا جانسايا ءمامس جۇيەسىن جەتىلدىرۋ ماڭىزدى قادام ەكەنىن اتاپ ءوتتى.
«مەنىڭ ويىمشا, ءمامس (مىندەتتى الەۋمەتتىك مەديتسينالىق ساقتاندىرۋ) رەفورماسى - جيناقتالعان پروبلەمالار مەن قوعام سۇرانىسىن ەسكەرگەن اسا ماڭىزدى قادام. باستى ماسەلە – مەديتسينالىق قىزمەتتەردىڭ قولجەتىمدىلىگى مەن ساپاسىن ارتتىرۋ بولۋى ءتيىس. ءمامس ەنگىزىلگەنىنە قاراماستان, ازاماتتارىمىز كەزەككە, ماماندار مەن ءدارى-دارمەكتەردىڭ جەتىسپەۋىنە شاعىمدانادى. رەفورما مەديتسينالىق مەكەمەلەردى ناقتى قولداۋدى, ولاردى قارجىلاندىرۋدى ۇلعايتۋ جانە دارىگەرلەردى ىنتالاندىرۋدى كوزدەۋى كەرەك. وزگەرىس,اسىرەسە,كادر تاپشىلىعى قاتتى سەزىلەتىن وڭىرلەردە بولعانى دۇرىس», دەدى جانسايا اقانوۆا.
مامان ءمامس قاراجاتىن پايدالانۋداعى اشىقتىقتىڭ ساقتالماۋى دا شەشىلۋىن كۇتىپ تۇرعان كۇردەلى ءتۇيىن ەكەنىن تىلگە تيەك ەتتى.
«ادامدار ءوز اۋدارىمدارىنىڭ قايدا كەتەتىنىن ءتۇسىنىپ, ناقتى ناتيجەلەردى كورگىسى كەلەدى. كوڭىل قۋانتاتىن كورسەتكىشتەر جاقسى ينفراقۇرىلىم, زاماناۋي تەحنولوگيالاردىڭ قول جەتىمدى بولۋى, قىزمەت كورسەتۋ دەڭگەيىنىڭ جوعارىلىعىمەن ولشەنۋى ءتيىس. مۇندا باقىلاۋدى كۇشەيتۋ دە, ازاماتتارمەن كەرى بايلانىس جاساۋ دا ماڭىزدى», دەگەن الەۋمەتتانۋشى بۇل ماسەلە وڭ تاراپقا وزگەرمەيىنشە وزەكتى بولىپ قالا بەرەتىنىن جەتكىزدى.
ءمامس اسىعىس, شالا شەشىمدەردەن ادا بولۋى ءتيىس. وسى ويىن ورتاعا سالعان جانسايا اقانوۆا رەفورمانى ساراپشىلاردىڭ, مەديتسينا وكىلدەرىنىڭ جانە قوعامنىڭ قاتىسۋىمەن كەڭ تالقىلاۋدى ۇسىنادى.
ء«مامس-ءتى جاڭعىرتۋ – كەمشىلىكتەردى تۇزەتىپ قانا قويماي, بارلىق ازاماتتاردىڭ يگىلىگى ءۇشىن جۇمىس ىستەيتىن نەعۇرلىم ورنىقتى, ءادىل جانە ءتيىمدى دەنساۋلىق ساقتاۋ جۇيەسىن قۇرۋ مۇمكىندىگى», دەدى ول.
