مەملەكەتتىڭ دامۋ ەرەكشەلىكتەرىن كورسەتەتىن رەفورمالار

وتكەن سايلاۋ قازاق­ستان­دىقتاردىڭ, ونىڭ ىشىندە قازاق ۇلتىنىڭ ءبىرتۇتاس ۇلت بولعاندىعىن تولىق كور­سەتە ءبىلدى. ويتكەنى, وسى ساي­لاۋدا قازاقستاندىقتار بۇرىن-سوڭدى بولماعان سايا­سي بەلسەندىلىك تانىتىپ, سايلاۋ ۋچاسكەلەرىنە بارىپ, ەلباسى ن.نازارباەۆقا ءوز تاڭداۋلارىن جاسادى. سىزدەر جاقسى بىلەسىزدەر, سول سايلاۋدان كەيىنگى ما­ڭىزدى وقيعا – پرەزيدەنتتى ۇلىقتاۋ ءراسىمى. وسى راسىمدە سايلاۋالدى تۇعىرناماسى بويىنشا سويلەگەن سوزىندە ەلباسى بەس ينستيتۋتتىق رەفورمانى جۇزەگە اسىراتىن تەتىكتى ايتىپ بەردى. جەكە ءوز باسىم سەناتور رەتىندە, ساياساتتانۋشى رەتىندە بۇل بەس رەفورما بەس جىلعا ەمەس, ون نەمەسە ون بەس جىلعا سوزىلاتىن مەملەكەتتىك قۇرىلىمدى, جالپى مەملەكەتتىڭ ەكونوميكاسىن الەۋمەتتىك جاعىنان, ساياسي جاعىنان, مادەنيەت جاعىنان قامتيتىن ۇلكەن سايا­سي رەفورما دەر ەدىم. وسىدان مەنىڭ ءوزىمنىڭ تۇيگەنىم, 24 جىلدىڭ ىشىندە قازاقستان وتپەلى كەزەڭدى اياقتادى دەپ ايتۋعا بولادى. قازاقستان وسى وتپەلى كەزەڭدە قازاق مەملەكەتىن تولىق قۇرا الدى, بۇكىل مەملەكەتتىك ينستيتۋتتارىن تولىق ور­نىقتىردى. قازاقستان تو­لىققاندى ءبىرتۇتاس ۇلت رە­تىندە قالىپتاستى دەپ نەگىزدەۋگە بولادى. سون­دىق­تان دا ەندى الداعى رەفورمالار مەملەكەتتىڭ دامۋ ەرەكشەلىكتەرىن كورسەتەتىن بولادى. قازاقستاندىقتاردىڭ الەۋمەتتىك جاعدايىن جاق­سارتۋ ءۇشىن ەلباسى كەشەگى ۇلىقتاۋ راسىمىندە سويلەگەن سوزىندە ايتقانىنداي, ورتا تاپتىڭ جاعدايىن جاساۋ قاجەت. پرەزيدەنت جانىنان جاڭ­عىرتۋ جونىندەگى ارنايى كوميسسيا قۇرىلاتىن بولادى. ول كوميسسياعا قازاقستانداعى ەڭ مىقتى ساياساتتانۋشىلار, ساراپشىلار, كەرەك بولسا, شەتەلدەن الدىڭعى قاتارداعى ماماندار تارتىلىپ, دامۋعا بايلانىستى ۇلتتىق جوسپار جاسالدى. ۇلتتىق جوسپار – 100 قادام رەتىندە جان-جاقتى, بۇكىل ەكونوميكا, الەۋمەتتىك سالا بويىنشا جاڭعىرتۋ بارىسىندا جۇمىس جاسايتىن بولادى. وعان ۇلتتىق كوميسسيا عانا ەمەس, قازاقستاننىڭ بارلىق ازاماتتارى تارتىلاتىن بولادى. مەن ءبىز رەۆوليۋتسيالىق جولمەن ەمەس, ەۆوليۋتسيالىق, رەفورمالىق جولمەن دامىپ كەلە جاتقان مەملەكەت رەتىندە قازاقستان ءار ۋاقىتتا دا بولاشاعى جارقىن ءارى داۋلەتتى ەل قاتارىنا قوسىلادى دەپ تولىق سەنىممەن ايتا الامىن. مۇرات باقتيار ۇلى, سەناتور.