فوتو: ۇوك/ سالي سابيروۆ
بيىل بارلىق جاس ەرەكشەلىكتەرىندە ەر جانە ايەلدەر سىنى بىرگە وتكىزىلەدى.
قازاقستان بوكس فەدەراتسياسىنىڭ حابارلاۋىنشا, 15-17 جاستاعى بىلعارى قولعاپ شەبەرلەرى 17 ءساۋىر - 1 مامىر ارالىعىندا ازيا چەمپيونى اتاعىن ساراپقا سالادى. بۇل باسەكە يوردانيانىڭ اممان قالاسىندا ۇيىمداستىرىلادى.
19-22 جاستاعى سپورتشىلار اراسىنداعى تارتىس 20 شىلدە مەن 3 تامىز ارالىعىنا بەكىتىلگەن. جارىس ۇيىمداستىرىلاتىن ەل ازىرگە انىقتالماعان.
ەرەسەكتەر 1 - 15 قازان ارالىعىندا ازيا چەمپيونى اتانۋ ءۇشىن جۇدىرىقتاسادى. بۇل ساناتتاعى باسەكەنىڭ دە وتەتىن ورنى ءالى ناقتىلانباعان.
