الەۋمەتتىك ماڭىزى بار ازىق-ت ۇلىك تاۋارلارىنىڭ باعاسىن تۇراقتاندىرۋ – كۇن تارتىبىنەن تۇسپەيتىن وزەكتى ماسەلە. بۇل ىسكە «تاراز» اكك, وبلىس اكىمدىگى كاسىپكەرلىك جانە يندۋستريالىق-يننوۆاتسيالىق دامۋ باسقارماسى جۇمىلعان جۇدىرىقتاي كىرىستى. كەشەندى تۇردە اتقارىلعان جۇمىس ءوز ناتيجەسىن بەردى. وبلىس اكىمدىگى ءباسپاسوز قىزمەتى كەلتىرگەن مالىمەتكە سۇيەنسەك, وبلىس ورتالىعى تاراز قالاسى اۋماعىنداعى ساۋدا نۇكتەلەرىنە 800 توننا كارتوپقا تاۋارلىق ينتەرۆەنتسيا جۇرگىزۋگە دەر كەزىندە تاپسىرما بەرىلگەن. ماۋسىمارالىق كەزەڭدە 3 050 توننا كارتوپقا فورۆاردىق كەلىسىمشارت جاسالعانىن دا ايتا كەتكەن ءجون.
جالپى, تاراز قالاسىنداعى الەۋمەتتىك دۇكەندەر باستاعان 64 ساۋدا ورنىنا 82,8 توننا كارتوپ بەلگىلەنگەن باعامەن, ياعني 130 تەڭگەدەن وتكەرۋ ءۇشىن جەتكىزىلگەن كورىنەدى. ارزان كارتوپ جەتكىزىلگەن ءىرى ساۋدا ورىندارىنىڭ قاتارىندا «نۇريسلام», «فيركان», «ۆكۋسنايا كورزينكا» سەكىلدى دۇكەندەر دە بار.
«الەۋمەتتىك ساۋدا نىساندارىنان كارتوپ, پياز, جۇمىرتقا سەكىلدى وزگە دە ازىق-ت ۇلىكتى قولجەتىمدى باعامەن ساتىپ الۋ مۇمكىندىگى تۋعانى – قاراپايىم حالىق ءۇشىن ءتيىمدى. ارينە, بۇيىرعانىن الىپ جاتىرمىز. تاراز تۇرعىندارىن جاعداي جاساپ وتىرعان ازاماتتارعا ايتار العىسىمىز زور», دەيدى شاھار تۇرعىنى ءبيبىحاديشا
وتاروۆا.
دۇكەن يەلەرى كەلتىرگەن دەرەككە سەنسەك, ساۋدا ورىندارىندا كۇنىنە 3-4 قاپ كارتوپ بەلگىلەنگەن باعامەن ساتىلىپ جاتىر. وزگە دە نەگىزگى ازىق-ت ۇلىك تۇرلەرى قولجەتىمدى باعامەن ساۋدالانادى. باعانىڭ شارىقتاپ كەتپەۋىن قۇزىرلى ورگاندار قاتاڭ باقىلاۋعا العان.
«الەۋمەتتىك دۇكەندەردە كارتوپ 130 تەڭگەدەن, ءسابىز 90 تەڭگەدەن ساتىلىپ جاتىر. وسى ساناتتاعى ساۋدا نۇكتەلەرىندە وتباسىنا قاجەتتى ازىق-تۇلىك تاۋارلارىنا قولجەتىمدى باعا قويىلعانىن ايتا كەتكەن ءجون. بۇل – تۇرعىندار ءۇشىن وتە ءتيىمدى», دەيدى قالا تۇرعىندارىنىڭ ءبىرى نۇرسۇلتان باتىرباەۆ.
الەۋمەتتىك ماڭىزى بار تاۋارلاردىڭ باعاسىنا قۇزىرلى ورگاندار تاراپىنان كۇندەلىكتى مونيتورينگ جۇرگىزىلىپ, زاڭدا كورسەتىلگەن ۇستەمەدەن ارتىق سوما قوسىپ وتكەرگەن كاسىپكەرلەر اكىمشىلىك جاۋاپقا تارتىلماق.
الەۋمەتتىك دۇكەندەر مەن بىرقاتار ساۋدا نۇكتەسىندە كارتوپ باعاسى تۇراقتالعانىمەن, بازارلار مەن وزگە دە ساۋدا ورىندارىندا باعانى تۇراقتاندىرۋ مۇمكىن بولماي تۇر. مۇندايدا كوپشىلىكتىڭ ازىق-ت ۇلىكتى الەۋمەتتىك دۇكەندەردەن جاپپاي ىزدەيتىنى دە تۇسىنىكتى.
تاراز
