قوردىڭ ءباسپاسوز قىزمەتىنىڭ حابارلاۋىنشا, مۇحامەدقالي تاۋاننىڭ حالىقارالىق ىنتىماقتاستىق جانە كورپوراتيۆتىك باسقارۋ سالاسىنداعى اۋقىمدى باستامالاردى جۇزەگە اسىرۋدا ايتارلىقتاي تاجىريبەسى بار. ول بۇعان دەيىن «استانا» حالىقارالىق قارجى ورتالىعىندا, ۇلتتىق بانكتىڭ ۇلتتىق ينۆەستيتسيالىق كورپوراتسياسىندا جانە جەكە قۇرىلىمداردا باسشىلىق قىزمەتتەر اتقارعان.
رىسقۇلوۆ اتىنداعى قازاق ەكونوميكالىق ۋنيۆەرسيتەتىندە ەكونوميكا باكالاۆرى جانە قازاقستان-بريتان تەحنيكالىق ۋنيۆەرسيتەتىندە مۆا دارەجەسى بار.
قازىرگى ۋاقىتتا «دارا» پرەزيدەنتتىك باستامالار قورى ادامي كاپيتال مەن كرەاتيۆتى يندۋستريانى دامىتۋ, سونداي-اق قازاقستاننىڭ مادەني-تاريحي مۇراسىن ساقتاۋ بويىنشا بىرنەشە ماڭىزدى جوبالاردى جۇزەگە اسىرىپ كەلەدى. ولاردىڭ قاتارىندا جوشى حاننىڭ ومىرىنە ارنالعان اۋقىمدى تاريحي سەريال ءتۇسىرۋ بار, ونىڭ ماقساتى – ۇلتتىق تاريحتى ناسيحاتتاۋ جانە مادەني بىرەگەيلىكتى نىعايتۋ.
