فوتو: قورعانىس مينيسترلىگىنىڭ ءباسپاسوز قىزمەتى
وعان قورعانىس ءمينيسترىنىڭ ورىنباسارى گەنەرال-مايور شايح-حاسان جازىقباەۆ, اتالعان قورشاۋدان امان قالعان ازاماتتار, قارۋلى كۇشتەردىڭ ارداگەرلەرى, ساعادات نۇرماعامبەتوۆ اتىنداعى اسكەري كوللەدج كادەتتەرى, «جاس سارباز» بالالار-جاسوسپىرىمدەر قوزعالىسىنىڭ تاربيەلەنۋشىلەرى قاتىستى.
كورمەگە كەلۋشىلەرگە ەكىنشى دۇنيەجۇزىلىك سوعىسىنا قاتىسۋشىلاردىڭ فوتوسۋرەتتەرى, لەنينگراد ماڭىنداعى ىزدەۋ جۇمىستارىنان تابىلعان سنارياد قالدىقتارى, جاۋىنگەرلەردىڭ قۇجاتتارى-جەكە زاتتارى كورسەتىلدى.
اتالعان سوعىس تاريحىندا ەرەكشە ورىن الاتىن لەنينگرادتى ازات ەتۋ مايدانىنا قازاقستان ەلەۋلى ۇلەس قوسقانى تۋرالى گەنەرال-مايور شايح-حاسان جازىقباەۆ اتاپ ءوتتى: «قالا ءۇشىن شايقاس 900 كۇنگە سوزىلدى, سول شايقاستاردا جاۋىنگەرلەر عانا ەمەس, كوپتەگەن بەيبىت تۇرعىندار دا قازا تاپتى. ءبىزدىڭ ەلدە قۇرىلعان اسكەري بولىمدەردىڭ ۇشتەن ءبىرى لەنينگراد شايقاسىنا قاتىستى. ولاردىڭ ىشىندە 310-شى جانە 314-ءشى اتقىشتار ديۆيزياسى دا بار», دەگەن ءمينيستردىڭ ورىنباسارى سونداي-اق, مەرگەن سارسەمباي رۇستەمبەكوۆتىڭ, بولىمشە كومانديرى جولداس ارىقباەۆتىڭ, پۋلەمەتشى اعا لەيتەنانت تاستاق نازاروۆتىڭ, قاتارداعى جاۋىنگەر يلگيز تاسباەۆتىڭ, اعا سەرجانتتار يۆان گۋز بەن شانحان قوسوەۆتىڭ شايقاستارداعى ەرلىكتەرىن اتاپ ءوتتى.
ءىس-شاراعا قاتىسقان 1942 جىلى تۋعان گەلدير ۆالەەۆتىڭ قورشاۋدا قالعان قالا جايلى ەستەلىكتەر جادىندا قالماپتى. اتا-اناسى دا بالاسىنا سۇراپىل سوعىس پەن اشتىق جايلى ايتپاۋدى ءجون كورىپتى.
جامبىل جاباەۆ 1941 جىلدىڭ كۇزىندە قالا تۇرعىندارىن ولەڭىمەن رۋحتاندىردى. ونىڭ «لەنينگرادتىق ورەنىم» ولەڭىن قازاقستاننىڭ ەڭبەك سىڭىرگەن قايراتكەرى, قارۋلى كۇشتەر ورتالىق ءانسامبلىنىڭ ءسوليسى نۇرلان نۇرتازين وقىدى.
