فوتو: اشىق دەرەككوز
وتكەن جىلدىڭ سوڭىندا وندىرىستىك جاراقات العانداردىڭ سانى 2023 جىلمەن سالىستىرعاندا 4,5%-عا ازايعان. 2024 جىلدىڭ قورىتىندىسى بويىنشا وندىرىستىك جاراقاتتانۋ دەڭگەيى (1000 جۇمىسشىعا شاققانداعى جازاتايىم وقيعالار جيىلىگى كوەففيتسيەنتى) 0,20 قۇراعان.
جاراقات الۋدىڭ جوعارى دەڭگەيى نەگىزىنەن رەسپۋبليكانىڭ ونەركاسىپتىك ايماقتارىندا ساقتالعان. ماسەلەن, قاراعاندى وبلىسىندا – 159, شىعىس قازاقستان وبلىسىندا – 124, پاۆلودار وبلىسىندا – 112, اباي وبلىسىندا – 101, قوستاناي وبلىسىندا – 91, الماتى قالاسىندا – 116 ادام زارداپ شەككەن. ال, ەكونوميكالىق سالالار بويىنشا زارداپ شەككەندەردىڭ ەڭ كوپ سانى تاۋ-كەن مەتاللۋرگيا كەشەنىندە – 18,3% جانە قۇرىلىس سالاسىندا – 10,1% وقيعا تىركەلگەن.
مينيسترلىك سوڭعى بەس جىلدا ەڭبەكتى قورعاۋ سالاسىندا مەملەكەتتىك ورگاندار مەن جۇمىس بەرۋشىلەر قابىلداعان كەشەندى شارالار وندىرىستىك جاراقاتتانۋ دەڭگەيىن 6,3%-عا تومەندەتكەنىن اتاپ ءوتتى.
ايتا كەتەيىك, قۇقىق بۇزۋشىلىقتىڭ الدىن الۋ جانە بولدىرماۋ ماقساتىندا ەلىمىزدەگى 3262 كاسىپورىندا ەڭبەك قاۋىپسىزدىگى جانە ەڭبەكتى قورعاۋ نورمالارى ەنگىزىلگەن. سونداي-اق, 2019 جىلدان باستاپ ەڭبەك جانە حالىقتى الەۋمەتتىك قورعاۋ مينيسترلىگى «نولدىك جاراقاتتار – Vision Zero» تۇجىرىمداماسىن ىلگەرىلەتۋ بويىنشا قارقىندى جۇمىس جۇرگىزىپ جاتىر. وعان بۇگىندە 605 كاسىپورىن قوسىلعان.
