پەتروپاۆل. 18 ماۋسىم. وبلىس اكىمى ەرىك سۇلتانوۆ ورتالىق الاڭدا وتكەن «قازاقستان بالالارى–نۇرلى جولمەن» سالتاناتتى شاراسىنا قاتىسىپ, ۇزدىك مەكتەپ بىتىرۋشىلەردى اقشالاي سىيلىقتارمەن ماراپاتتادى. بۇل تۋرالى اكىمدىكتىڭ ءباسپاسوز قىزمەتى حابارلادى.
بيىلعى وقۋ جىلىندا «التىن بەلگiنى» 37 تۇلەك السا, 23 تۇلەك ۇزدىك اتتەستات يەگەرى اتاندى. ورتاشا بالل 77,88-دەن اينالىپ, اققايىڭ, ءۋاليحانوۆ, تيميريازەۆ, قىزىلجار اۋداندارى, پەتروپاۆل قالاسى الدىڭعى ورىننان كورىندى. رەسپۋبليكالىق, حالىقارالىق بايقاۋلار مەن وليمپيادالاردىڭ جەڭىمپازدارى مەن جۇلدەگەرلەرى اتانعان 72 وقۋشى ۇبت-دان بوساتىلدى. 8 وقۋشى اتاۋلى گرانتقا يە بولدى.
«ءبىز بۇگىن «قازاقستان بالالارى - نۇرلى جولمەن» اتتى ۇزدىك مەكتەپ بىتىرۋشىلەرىن سالتاناتتى ماراپاتتاۋ راسىمىنە جينالدىق. ەل پرەزيدەنتى نۇرسۇلتان نازارباەۆ «نۇرلى جول» ەكونوميكالىق ساياساتىن جۇزەگە اسىرۋدا جاس ۇرپاققا ۇلكەن ءۇمىت ارتادى. سىزدەر - ەلىمىزدىڭ, ءوڭىرىمىزدىڭ بولاشاعى, ونىڭ باستى الەۋەتى بولىپ تابىلاسىزدار», دەي كەلىپ, ەرىك حامزا ۇلى 123 بالل جيناعان قازاق-تۇرىك ليتسەيىنىڭ 11 سىنىپ وقۋشىسى اسەل شاراپوۆاعا اقشالاي سىيلىق پەن ونۋبۋكتى سىيعا تارتتى.
وزگە وزات تۇلەكتەر دە سىي-سيپاتتارعا كەنەلدى.
ءومىر ەسقالي.
دەرەك,سۋرەت: سولتۇستىك قازاقستان وبلىستىق اكىمدىگىنىڭ ءباسپاسوز قىزمەتى.
