ستۋدەنتتەر سيرەك كەزدەسەتىن شوپتەردى زەرتتەيدى

مويىنقۇمنىڭ كەڭ دالاسىندا سۇڭعىلا دەگەن ءشوپ وسەدى. ەل ونى كەيدە «سايساعىز» دەپ اتاسا, عىلىمي ادەبيەتتەردە «تسيستانحە» دەپ كورسەتىلگەن. بۇل وسىمدىك قىتاي, كورەيا, اقش-تا تازا تۇرىندە نەمەسە دارىلىك وسىمدىك رەتىندە قولدانىلادى. كوپ وندىرىلگەندىكتەن سوڭعى جىلدارى بۇل ەلدەردە سۇڭعىلانىڭ قورى ازايعان. ال قازاقستاندا بۇل وسىمدىكتىڭ قورى جەتكىلىكتى. باستاپقىدا الماتى وبلىسىنىڭ باقاناس جانە جامبىل وبلىسىنىڭ مويىنقۇم اۋىلىندا ءوندىرىلۋشى ەدى. سوڭعى جىلدارى تەك مويىنقۇم جەرىنەن عانا جينالۋدا. سەبەبى, وسى ايماقتا وسەتىن سۇڭعىلا وسىمدىگىنىڭ حيميالىق قۇرامى ساپالىق جاعىنان ەرەكشەلىگى بار. العاشقى كەزدە جىلىنا 300 تونناعا دەيىن جينالسا, كەيىنگى جىلدارى بۇل 20-30 توننانى قۇراپ وتىر. جاقىندا م.ح.دۋلاتي اتىنداعى تاراز مەم­لەكەتتىك ۋنيۆەرسيتەتىنىڭ جانىنان قۇرىل­عان «فيتوحيميا» وقۋ عىلىمي-ءوندىرىس ورتالى­عىنىڭ تۇساۋكەسەرى ءوتتى. ياعني, بيولوگيا ماماندىعىندا وقيتىن ستۋدەنتتەر مەن ما­گيسترانتتار ءىس-تاجىريبەدەن وتەتىن كولەمى 8 سوتىق بولاتىن, وڭتۇستىككورەيالىق «KOREA­GREENHOUSE CO LTD» كومپانياسىنىڭ يننو­ۆاتسيالىق تەحنولوگيالارى بويىنشا جاسالعان جىلىجاي اشىلدى. مىنە, وسى «فيتو­حيميا» ورتالىعى وندىرىسكە ەندىرىلۋ ءۇشىن, مەحانيكا-حيميالىق ادىستەردىڭ كومەگىمەن مەديتسينادا قولدانۋ اياسى كەڭ, قازاقستان فلورا­سىنداعى فارماكولوگيالىق قۇندى, ەكو­نوميكالىق جاعىنان ماڭىزدى وسىمدىكتەر قاتارىن تولىقتىرعان سۇڭعىلانى تەرەڭىرەك زەرتتەۋگە كىرىسىپ كەتتى. وسى ىسكە مۇرىندىق بولعان سۋ شارۋا­شى­لىعى, ەكولوگيا جانە قۇرىلىس فاكۋلتەتىنىڭ بيو­لوگيا كافەدراسى قازىرگى تاڭدا جامبىل وبلى­سىنىڭ تولىققاندى ەكونوميكالىق دامۋى مەن وركەندەۋىنە قوماقتى ۇلەسىن قوسىپ وتىرعان, وڭىرىمىزدەگى تاڭداۋلى عىلى­مي-زياتكەرلىك جانە اقپاراتتىق-مادەني ورتا­لىقتارىنىڭ بىرىنە اينالىپ وتىر دەپ ايتۋعا تولىق نەگىز بار. ولار وبلىستىق ورمان شارۋا­شىلىعى قورىمەن تىعىز بايلانىس ورناتقان. تولىقتاي كومپيۋتەرلەندىرىلگەن جىلىجاي تامشىلاتىپ سۋارۋ تەحنولوگياسىن قولدانادى. تاجىريبە رەتىندە العاش رەت ونىمدىلىگى جوعارى گوللانديالىق قىزاناقتىڭ «ماحيتۋس» سورتى وسىرىلۋدە. سونىمەن قاتار, جىلىجايدا 4 000 دا­ناعا جۋىق جوعارى سورتتى گوللانديالىق قيار, قىزاناق جانە بۇرىش تۇرلەرىنەن مول ءونىم الۋ جوسپارلانىپ وتىر. سونىمەن قاتار, ورتالىق جامبىل وبلى­سى­نىڭ بىرقاتار دارىلىك قۇندى (سۇيەلشوپ, اندىز, ميا, ت.ب) وسىمدىكتەرىنەن نانوۇنتاق الۋ مەن سۋلى ەكستراكتى جانە ءتۇرلى كوكونىس, جەمىس-جيدەكتەردىڭ تۇرلەرىن كەپتىرۋمەن اينالىسادى. ولاردى ارناۋلى پوليەتيلەن قالتاشالارعا سالىپ دايىندايدى. ورالحان ءداۋىت, «ەگەمەن قازاقستان». جامبىل وبلىسى.