جارقىن جەڭىسىمەن قۇتتىقتادى

* پرەزيدەنت پوچتاسىنان قازاقستان پرەزيدەنتى نۇرسۇلتان نازارباەۆتىڭ اتىنا مەملەكەت, ۇكىمەت باسشىلارىنان, حالىقارالىق ۇيىمداردىڭ جەتەكشىلەرىنەن سايلاۋداعى جەڭىسىنە بايلانىس­تى قۇتتىقتاۋلار ءالى دە كەلىپ جاتىر نۇرسۇلتان نازارباەۆتىڭ اتىنا ونىڭ قازاقستان رەسپۋبليكاسىنىڭ پرەزيدەنتى بولىپ سايلانۋىنا بايلانىستى بۇۇ باس حاتشىسى پان گي مۋننان قۇتتىقتاۋ جەدەلحاتى كەلىپ ءتۇستى, دەپ حابارلادى پرەزيدەنتتىڭ ءباسپاسوز قىزمەتى. پان گي مۋن نۇرسۇلتان نازارباەۆتى لاۋازىمىنا رەسمي كىرىسۋىمەن قۇتتىقتادى. «قازاقستان مەن بۇۇ كوپتەگەن سالالاردا تىعىز ءارى جان-جاقتى قارىم-قاتىناس ورناتتى. ءبىزدىڭ قارىم-قاتىناستارىمىز قازاقستان حالقىنىڭ جانە بۇكىل ءوڭىردىڭ يگىلىگى ءۇشىن بۇدان ءارى دە دامي بەرەدى دەپ ۇمىتتەنەمىن», – دەلىنگەن جەدەلحاتتا. * * * نۇرسۇلتان نازارباەۆتىڭ اتىنا ونىڭ قازاقستان رەسپۋبليكاسىنىڭ پرەزيدەنتى بولىپ سايلانۋىنا بايلانىستى ليۋكسەمبۋرگ پرەمەر-ءمينيسترى كساۆە بەتتەلدەن قۇتتىقتاۋ جەدەلحاتى كەلىپ ءتۇستى, دەپ حابارلادى پرەزيدەنتتىڭ ءباسپاسوز قىزمەتى. كساۆە بەتتەل ليۋكسەمبۋرگ ۇلى گەرتسوگتىگى ۇكىمەتىنىڭ جانە جەكە ءوزىنىڭ اتىنان نۇرسۇلتان نازارباەۆتى پرەزيدەنتتىك سايلاۋداعى جەڭىسىمەن قۇتتىقتادى. «ەلدەرىمىزدىڭ اراسىنداعى قارىم-قاتىناستاردى نىعايتۋ ماقساتىندا  سىزبەن جانە ءسىزدىڭ ۇكىمەتپەن بىرلەسكەن جۇمىستى جالعاستىرا بەرەتىنىمە قۋانىشتىمىن. ءوزارا مۇددەلەستىك تانىتقان ەكىجاقتى ماسەلەلەردى مەنىڭ استاناعا مامىر ايىندا بولاتىن ساپارىم كەزىندە سىزبەن تالقىلاۋ مۇمكىندىگىن تاعاتسىزدانا كۇتۋدەمىن», – دەلىنگەن جەدەلحاتتا. ليۋكسەمبۋرگ پرەمەر-ءمينيسترى قازاقستان پرەزيدەنتىنە جاۋاپتى لاۋازىمداعى جۇمىسىنا تابىس تىلەدى. * * * نۇرسۇلتان نازارباەۆتىڭ اتىنا ونىڭ قازاقستان رەسپۋبليكاسىنىڭ پرەزيدەنتى بولىپ سايلانۋىنا بايلانىستى يتاليا پرەزيدەنتى سەردجيو ماتتارەللادان قۇتتىقتاۋ جەدەلحاتى كەلىپ ءتۇستى, دەپ حابارلادى پرەزيدەنتتىڭ ءباسپاسوز قىزمەتى. س.ماتتارەللا يتاليا حالقىنىڭ جانە جەكە ءوزىنىڭ اتىنان نۇرسۇلتان نازارباەۆتى جەڭىسىمەن قۇتتىقتادى. «قازاقستان مەن يتاليا اراسىنداعى ءداستۇرلى ەنەرگەتيكا جانە باسقا دا سالالارداعى جەمىستى ىنتىماقتاستىعىمىزدىڭ باعىتى دۇرىس. قازاقستان ءسىزدىڭ باسشىلىعىڭىز ارقىلى ەۋروپالىق وداقپەن قارىم-قاتىناستارىن, سونداي-اق, استانا مەن ريم اراسىنداعى بايلانىستاردى نىعايتۋدى جالعاستىراتىنىنا سەنەمىن», – دەلىنگەن قۇتتىقتاۋدا. يتاليا پرەزيدەنتى نۇرسۇلتان نازارباەۆقا جانە بۇكىل ەلىمىزگە باق-بەرەكە تىلەدى. نۇرسۇلتان نازارباەۆتىڭ اتىنا ونىڭ قازاقستان رەسپۋبليكاسىنىڭ پرەزيدەنتى بولىپ سايلانۋىنا بايلانىستى سينگاپۋر رەسپۋبليكاسىنىڭ پرەزيدەنتى توني تان كەنگ يامادان قۇتتىقتاۋ جەدەلحاتى كەلىپ ءتۇستى, دەپ حابارلادى پرەزيدەنتتىڭ ءباسپاسوز قىزمەتى. سينگاپۋر پرەزيدەنتى ەل حالقىنىڭ جانە جەكە ءوزىنىڭ اتىنان نۇرسۇلتان نازارباەۆتى جەڭىسىمەن قۇتتىقتادى. «سينگاپۋر مەن قازاقستان اراسىندا جاقسى دوستىق قارىم-قاتىناس ورناعان. ءسىزدىڭ باسشىلىعىڭىزبەن ەكىجاقتى ىنتىماقتاستىقتىڭ نىعايا بەرەتىنىنە سەنىمدىمىن. حالىقتارىمىزدىڭ يگىلىگى ءۇشىن ءوزارا ىقپالداستىقتى دامىتۋ ماقساتىندا بىرلەسىپ جۇمىس ىستەيمىز دەپ ۇمىتتەنەمىن», – دەلىنگەن جەدەلحاتتا. * * * نۇرسۇلتان نازارباەۆتىڭ اتىنا ونىڭ قازاقستان رەسپۋبليكاسىنىڭ پرەزيدەنتى بولىپ سايلانۋىنا بايلانىستى يزرايل مەملەكەتىنىڭ ەكس-پرەزيدەنتى شيمون پەرەستەن قۇتتىقتاۋ جەدەلحاتى كەلىپ ءتۇستى, دەپ حابارلادى پرەزيدەنتتىڭ ءباسپاسوز قىزمەتى. ش.پەرەس  نۇرسۇلتان نازارباەۆتىڭ مەملەكەت يگىلىگىنە ارنالعان كوپجىلدىق قىزمەتى كوشباسشىلىقتىڭ ۇلگىسىنە اينالعانىن اتاپ ءوتتى. «ءسىزدىڭ ءوز ەلىڭىزگە دەگەن ادالدىعىڭىز قازاقستاندى تەرريتورياسى ۇلكەن مەملەكەتتەن مازمۇنى باي ەلگە اينالدىردى, – دەلىنگەن جەدەلحاتتا. ءيزرايلدىڭ ەكس-پرەزيدەنتى قازاقستان پرەزيدەنتىنىڭ ەڭبەگى مەن جۇمساعان كۇش-جىگەرىنىڭ ناتيجەسىن حالىقتىڭ لايىقتى باعالاعانىن ايتتى. ش.پەرەس ەلىمىزدىڭ تاتۋلىعى مەن وركەندەۋىنە تىلەكتەستىگىن ءبىلدىردى. * * * نۇرسۇلتان نازارباەۆتىڭ اتىنا ونىڭ قازاقستان رەسپۋبليكاسىنىڭ پرەزيدەنتى بولىپ سايلانۋىنا بايلانىستى پاكىستان يسلام رەسپۋبليكاسىنىڭ پرەمەر-ءمينيسترى مۇحامماد ناۆاز شاريفتەن قۇتتىقتاۋ جەدەلحاتى كەلىپ ءتۇستى, دەپ حابارلادى پرەزيدەنتتىڭ ءباسپاسوز قىزمەتى. م.ن.شاريف پاكىستان ۇكىمەتى مەن جەكە ءوزىنىڭ اتىنان قۇتتىقتاۋىندا نۇرسۇلتان نازارباەۆتىڭ پرەزيدەنتتىك سايلاۋداعى ايقىن جەڭىسى مەن سايلاۋشىلاردىڭ جوعارى بەلسەندىلىگى قازاقستان حالقىنىڭ ءوز كوشباسشىسىنىڭ ەل مەملەكەتتىلىگىن تابىستى دامىتۋداعى ەڭبەگىن حالىقتىڭ داۋسىز مويىندايتىنىن, سونداي-اق جاسامپاز ءارى كورەگەن ساياساتقا دەگەن سەنىمنىڭ جوعارى دەڭگەيىن ايعاقتايتىنىن اتاپ وتەدى. پاكىستان پرەمەر-ءمينيسترى قازاقستان پرەزيدەنتىنىڭ ەلدىڭ تۇراقتىلىعى مەن دامۋىن قامتاماسىز ەتۋگە باعىتتالعان كۇش-جىگەرىن اتاپ ءوتتى. «ءسىز ۇسىنعان بەس رەفورما ەكونوميكانىڭ ودان ءارى وسۋىنە, ورتا تاپتىڭ نىعايۋىنا, قازاقستان حالقى بىرلىگىنىڭ كۇشەيۋىنە, ەلدىڭ وركەندەۋى مەن حالىقارالىق ارەناداعى بەدەلىنىڭ ارتۋىنا سەپتىگىن تيگىزەتىنىنە سەنىمدىمىن», – دەلىنگەن قۇتتىقتاۋدا. م.ن.شاريف قازاقستان مەن پاكىستان قارىم-قاتىناستارى ءداستۇرلى دوستىق, تاريح, مادەنيەت جانە باۋىرلاستىقتىڭ كوپعاسىرلىق بايلانىستارىنا نەگىزدەلگەنىن ايتتى. «ەلدەرىمىزدىڭ اراسىندا ءوزارا ءتيىمدى ىنتىماقتاستىق ءۇشىن زور الەۋەت بار. ەكىجاقتى ىنتىماقتاستىقتىڭ ءوزارا مۇددەلىلىگى بار ناقتى ماسەلەلەرىن سىزبەن بىرگە تالقىلاۋ مۇمكىندىگىن تاعاتسىزدانا كۇتەمىن», – دەلىنگەن جەدەلحاتتا. * * * نۇرسۇلتان نازارباەۆتىڭ اتىنا ونىڭ قازاقستان رەسپۋبليكاسىنىڭ پرەزيدەنتى بولىپ سايلانۋىنا بايلانىستى برۋنەي دارۋسسالام مەملەكەتىنىڭ سۇلتانى حاسسانال بولكياحتان قۇتتىقتاۋ جەدەلحاتى كەلىپ ءتۇستى, دەپ حابارلادى پرەزيدەنتتىڭ ءباسپاسوز قىزمەتى. ح.بولكياح نۇرسۇلتان نازارباەۆتى قازاقستان پرەزيدەنتى لاۋازىمىنا قايتا سايلانۋىمەن قۇتتىقتاپ, جۇمىسىنا تابىس تىلەدى. برۋنەي سۇلتانى ەكى ەلدىڭ يگىلىگى ءۇشىن ىنتى­ماق­تاس­تىقتى ودان ءارى نىعايتا تۇسۋگە مۇددەلىلىگىن تانىتتى. * * * نۇرسۇلتان نازارباەۆتىڭ اتىنا ونىڭ قازاقستان رەسپۋبليكاسىنىڭ پرەزيدەنتى بولىپ سايلانۋىنا بايلانىستى پالەستينا مەملەكەتىنىڭ پرەزيدەنتى ماحمۋد ابباستان قۇتتىقتاۋ جەدەلحاتى كەلىپ ءتۇستى, دەپ حابارلادى پرەزيدەنتتىڭ ءباسپاسوز قىزمەتى. ماحمۋد ابباس پالەستينا ۇكىمەتى مەن حالقىنىڭ اتىنان نۇرسۇلتان نازارباەۆتى پرەزيدەنتتىك سايلاۋداعى جەڭىسىمەن شىن جۇرەكتەن قۇتتىقتادى. «ءبىز قازاقستان رەسپۋبليكاسىمەن بارلىق سالاداعى ىنتىماقتاستىعىمىز بەن تۋىسقاندىق نيەتتەستىگىمىزدى نىعايتۋ جانە دامىتۋ, ەكى ەل حالقىنىڭ مۇددەسى ءۇشىن قارىم-قاتىناستارىمىزدى ودان ءارى جاڭعىرتۋدى جالعاستىرا بەرۋ جولىن ۇستاناتىنىمىزدى تاعى دا ايتامىز», – دەلىنگەن جەدەلحاتتا. سوڭىندا پالەستينا پرەزيدەنتى مەملەكەت باسشىسىنا مىقتى دەنساۋلىق پەن باقىت تىلەپ, قازاقستان حالقىنىڭ ىلگەرىلەۋى مەن ءوسىپ-وركەندەۋىنە نيەتتەستىك ءبىلدىردى. * * * نۇرسۇلتان نازارباەۆتىڭ اتىنا ونىڭ قازاقستان رەسپۋبليكاسىنىڭ پرەزيدەنتى بولىپ سايلانۋىنا بايلانىستى ءۇندىستان رەس­پۋب­ليكاسىنىڭ پرەزيدەنتى پراناب مۋكەردجيدەن قۇتتىقتاۋ جەدەلحاتى كەلىپ ءتۇستى, دەپ حابارلادى پرەزيدەنتتىڭ ءباسپاسوز قىزمەتى. پ.مۋكەردجي نۇرسۇلتان نازارباەۆتى قازاقستان پرەزيدەنتى لاۋازىمىنا قايتا سايلانۋىمەن قۇتتىقتادى. «ءسىزدىڭ سايلاۋداعى جەڭىسىڭىز – قازاقستان حالقىنىڭ وزىڭىزگە دەگەن زور سەنىمىنىڭ ايعاعى. قازاقستاندى مىقتى ءارى وركەندەۋشى مەملەكەتكە اينالدىرۋعا باعىتتالعان قاجىرلى ەڭبەگىڭىز ءوز جەمىسىن بەرەتىنىنە سەنىمدىمىن», – دەلىنگەن حاتتا. ءۇندىستان پرەزيدەنتى ورتاق مۇددەلىلىك بار بىرنەشە سالادا ءوزارا ءتيىمدى قارىم-قاتىناستاردىڭ ورنىققانىنا قاناعاتتاناتىنىن جەتكىزدى. ول سونداي-اق ءۇندىستاننىڭ ەكىجاقتى ستراتەگيالىق سەرىكتەستىكتى نىعايتۋ جونىندەگى جۇمىستاردى جالعاستىراتىنىنا سەندىردى. سوڭىندا پ.مۋكەردجي قازاقستان پرەزيدەنتىنە مىقتى دەنساۋلىق جانە تابىس تىلەپ, ەلىمىزدىڭ دامۋى مەن وركەندەۋىنە نيەتتەستىك ءبىلدىردى. * * * نۇرسۇلتان نازارباەۆتىڭ اتىنا ونىڭ قازاقستان رەسپۋبليكاسىنىڭ پرەزيدەنتى بولىپ سايلانۋىنا بايلانىستى  ۆەنەسۋەلا پرەزيدەنتى نيكولاس مادۋرودان قۇتتىقتاۋ جەدەلحاتى كەلىپ ءتۇستى, دەپ حابارلادى پرەزيدەنتتىڭ ءباسپاسوز قىزمەتى. نيكولاس مادۋرو ۆەنەسۋەلا ۇكىمەتىنىڭ جانە جەكە ءوزىنىڭ اتىنان نۇرسۇلتان نازارباەۆتى قازاقستان رەسپۋبليكاسىنىڭ پرەزيدەنتى لاۋازىمىنا قايتا سايلانۋىمەن قۇتتىقتادى. «ۆەنەسۋەلا بوليۆاريان رەسپۋبليكاسىنىڭ حالقى مەن ۇكىمەتى ورتالىق ازيا حالىقتارىمەن, اسىرەسە قازاقستان رەسپۋبليكاسىمەن كوپپوليارلى جانە كوپورتالىقتى الەمدىك ءتارتىپ قۇرۋ باعىتىنداعى بىرلەسكەن جۇمىستى جالعاستىرۋعا نيەتتەس ەكەنىن بىلدىرەدى», – دەلىنگەن جەدەلحاتتا.