2010 جىلعى 23 ماۋسىم استانا, ۇكىمەت ءۇيى №637
دەمالىس كۇنىن اۋىستىرۋ تۋرالى
ەڭبەكشىلەردىڭ دەمالىسى ءۇشىن قولايلى جاعدايلار جاساۋ جانە 2010 جىلعى شىلدەدەگى جۇمىس ۋاقىتىن ۇتىمدى پايدالانۋ ماقساتىندا قازاقستان رەسپۋبليكاسىنىڭ ۇكىمەتى قاۋلى ەتەدى: 1. دەمالىس كۇنى 2010 جىلعى 3 شىلدە سەنبىدەن 5 شىلدە, دۇيسەنبىگە اۋىستىرىلسىن. 2. قاجەتتى ءونىم شىعارۋ, قارجىلىقتى قوسا العاندا, قىزمەتتەر كورسەتۋ, سونداي-اق قۇرىلىس وبەكتىلەرىن ىسكە قوسۋ ءۇشىن ەڭبەك, ماتەريالدىق جانە قارجى رەسۋرستارىمەن قامتاماسىز ەتىلگەن ۇيىمدارعا كاسىپوداق ۇيىمدارىمەن كەلىسىم بويىنشا 2010 جىلعى 5 شىلدەدە جۇمىس جۇرگىزۋگە قۇقىق بەرىلسىن. كورسەتىلگەن كۇنگى جۇمىس قازاقستان رەسپۋبليكاسىنىڭ قولدانىستاعى زاڭناماسىنا سايكەس وتەلەدى. 3. وسى قاۋلى العاش رەت رەسمي جاريالانعان كۇنىنەن باستاپ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.
