سۋرەت: invest.gov.kz
ءوندىرىستى باستاۋ 500 جۇمىس ورنىن اشادى دەپ كۇتىلەدى. ينۆەستيتسيالاردىڭ جالپى كولەمى – شامامەن 12 ملن دوللار. ونىمدەر جەرگىلىكتى نارىقتارعا, سونداي-اق ورتالىق ازيا ەلدەرىنىڭ نارىعىنا جەتكىزىلمەك.
دۇنيەجۇزىلىك ۇشقىشسىز ۇشۋ اپپاراتتارى فەدەراتسياسىنىڭ مالىمەتتەرى بويىنشا, 2024 جىلى تومەن بيىكتىكتەگى ەكونوميكانىڭ الەمدىك نارىعىنىڭ كولەمى 318,64 ملرد دوللار بولدى. 2050 جىلعا قاراي بۇل كورسەتكىش 8,8 ترلن دوللاردان اسادى.
«شاعىن بيىكتىك ەكونوميكاسى جاڭا سالا رەتىندە ءوزىنىڭ بىرەگەي ارتىقشىلىقتارىنىڭ ارقاسىندا الەمدىك ونەركاسىپتىك قۇرىلىمدى وزگەرتەدى. تومەن بيىكتىكتەگى ۇشاقتاردىڭ ءارتۇرلى ءتۇرىن قولدانۋ كوپتەگەن سالادا ءتيىمدى قولدانىلادى, ەكونوميكالىق دامۋدىڭ جاڭا جولدارىن اشادى. اۋىل شارۋاشىلىعى مەن ورمانداردى قورعاۋدان لوگيستيكاعا دەيىن, گەودەزيادان اۆاريالىق-قۇتقارۋ وپەراتسيالارىنا دەيىن تومەن بيىكتىكتەگى ەكونوميكانى قولدانۋ اياسى ۇنەمى كەڭەيىپ كەلەدى, ال ونىڭ الەۋەتى شەكسىز», دەپ اتاپ ءوتتى «Kazakh Invest» باسقارما توراعاسى ەرجان ەلەكەەۆ.
«Yesil Technology» باسشىسى يۋننين حۋەيدىڭ سوزىنشە, ونىمدەر ەڭ قيىن جاعدايلاردا تۇراقتى جۇمىس ىستەي الادى جانە پايدالانۋشىلارعا تىنىش, سەنىمدى اۆياتسيالىق قىزمەت كورسەتە وتىرىپ, تاپسىرمالاردى ءدال ورىندايدى.
«Yesil Technology» ءونىمدى جاڭارتۋعا جانە جاقسارتۋعا عانا ەمەس, سونىمەن قاتار ۇشقىشسىز ۇشۋ اپپاراتتارىنىڭ تەحنولوگيالارى سالاسىندا جەرگىلىكتى كادرلاردى دايارلاۋ بويىنشا ماڭىزدى ميسسيانى ءوز موينىنا الادى. ءبىز تەحنولوگيالار نىعايىپ, كادرلار بىلىكتىلىگىن ارتتىرۋ ءۇشىن وقىتۋ باعدارلامالارىن ازىرلەۋ ماقساتىندا عىلىمي ۇيىمدارمەن جانە كومپانيالارمەن تىعىز ىنتىماقتاستىقتا جۇمىس ىستەيتىن بولامىز», دەدى.
