فوتو: ۇكىمەتتىڭ ءباسپاسوز قىزمەتى
اتالعان ماعلۇمات – ەكولوگيالىق اكتسيانى ىسكە اسىرۋ بارىسى قارالعان ۇكىمەت وتىرىسىندا ايتىلدى.
ۇكىمەتتىڭ ءباسپاسوز قىزمەتىنىڭ ءمالىم ەتۋىنشە اكتسيانى وتكىزۋ كەزەڭىندە اۋقىمدى جوباعا قاتىسۋشىلار 1,1 ملن توننادان استام قوقىس جيناعان, شامامەن 1,6 ملن جاسىل جەلەك وتىرعىزىلعان. سونىمەن قاتار وڭىرلەردە تاريحي-مادەني ەسكەرتكىشتەر رەتكە كەلتىرىلىپ, ارداگەرلەرگە اۋلاسىن اباتتاندىرۋ جانە جيناۋ بويىنشا كومەك كورسەتىلىپ, وزەندەر مەن سۋ ايدىندارى قوقىستان تازارتىلعان.
ازاماتتاردى ەلدى مەكەندەر مەن ەكولوگيا ماسەلەلەرىن شەشۋگە تارتۋ ماقساتىندا ىڭعايلى @TazaQazBot تەلەگرامم-چات-بوتى ارقىلى ءوتىنىم بەرۋ قىزمەتى ىسكە قوسىلعان. وعان بۇگىندە 10 مىڭنان استام ءوتىنىم ءتۇسىپ, 9,7 مىڭعا جۋىق ءوتىنىش ورىندالعان. كوبىنەسە ازاماتتاردان اۋماقتاردى جيناۋ, كوشەلەردى اباتتاندىرۋ, قوقىستاردى شىعارۋ, جولداردى جوندەۋ بويىنشا وتىنىشتەر كەلىپ تۇسكەن.
