يار چاللىدا ءبىر ايەل ەكى ايلىق بالاسىن ءولتىرىپ تاستادى

استانا. 2 مامىر. تاتارستاننىڭ يار چاللى (نابەرەجنىە چەلنى) قالاسىندا وتباسىندا كۇيەۋى تاراپىنان ۇدايى بولىپ كەلگەن قورلاۋعا شىداي الماي, ەكى ايلىق بالاسىن ءولتىرىپ, ءوزىنىڭ تامىرىن جارعان. بۇل تۋرالى KazanFirst سايتى حابارلادى. قازىر تەرگەۋشىلەر ايەلدى مۇنداي جاعدايعا ناقتىلى نەنىڭ اپارعانىن انىقتاپ جاتىر. اتالعان فاكت بويىنشا «كىشەنتاي بالانى» ءولتىرۋ دەگەن باپ بويىنشا قىلمىستىق ءىس قوزعالدى. وقيعا 30 ءساۋىر كۇنى تاڭەرتەڭ بولعان. يار چاللىنىڭ «زامەلەكەسە» شاعىن اۋدانىنداعى فومەنكو داڭعىلى بويىنداعى پاتەرلەردىڭ بىرىندە تۇراتىن 29 جاستاعى زيليا مۋسليموۆا (سۋرەتتە) دەگەن كەلىنشەك الدىمەن ەكى ايلىق ۇلىنىڭ قان تامىرىن كەسىپ, وزىنە دە سونداي ارەكەت جاساعان. ۇل بالا سول بويدا قايتىس بولىپ كەتەدى. ال ونىڭ اناسى «جەدەل جاردەممەن» جەرگىلىكتى اۋرۋحانانىڭ جانساقتاۋ بولىمىنە جاتقىزىلادى. قۇقىق قورعاۋ ورگاندارى وكىلدەرىنىڭ بايانداۋىنشا, ايەلدىڭ جانىنا كۇزەت قويىلعان. قايعىلى وقيعا بولعان پاتەر تۇرعىندار كورشىلەرىنىڭ ايتۋلارىنشا, جاس وتباسى مۇشەلەرى ىلعي ۇرىس-كەرىستە ءومىر سۇرگەن. كورشىلەرى سونداي-اق بۇعان كۇيەۋىنىڭ ىلعي ايەلىن قورلاپ, شەكتەن شىعاراتىنى سەبەپ بولعانىن ايتىپ وتىر. يار چاللى پوليتسياسى قىزمەتكەرلەرىنىڭ ايتۋلارىنشا, زۋليا مۋسليموۆا ۇلىن ءولتىرىپ, وزىنە سۋيتسيد جاسار الدىندا حات جازىپ كەتكەن. وندا كەلىنشەك ۇيدەگى ۇرىس-كەرىستىڭ بارىنە ەنەسىنىڭ كىنالى ەكەنىن اتاپ كورسەتكەن. بىراق پوليتسەيلەر وندا ايەلدىڭ ۇلىن ءولتىرۋ جونىندە ەشبىر نيەتى بولماعانىن ايتادى. اگەنتتىك مانبەسى زۋليانىڭ ۇيدە بولىپ جاتقان جاعدايدى «ۆكونتاكتە» جەلىسىنە جازىپ تۇرعانىن باياندايدى. كەلىنشەكتىڭ ءبىر قابات تومەندە تۇراتىن كورشىسى پاتەردە ءجيى جانجال بولىپ تۇرعانىن جازعان. «كۇيەۋ جىگىتتىڭ اناسى كەلىنىن ۇنەمى قورلاپ تۇراتىن. ول بالانىڭ ءوز ۇلىنان ەمەس ەكەنىن مالىمدەيدى», دەپ جازىپتى ول. «كۇن سايىن ۇيدەن جانجال, ايەلدىڭ جىلاعانىن ەستيمىن. ول قۇدايعا ءوزىن الىپ كەتۋدى ايتىپ, جالبارىناتىن. ونىڭ بالانىڭ اكەسىن انىقتاۋ ءۇشىن دنك-عا تەست تاپسىرۋدى سۇراعانى دا ەستىلدى», - دەپ كورسەتىپتى كۋاگەر. قايرات ق ۇلىمبەت. دەرەك, سۋرەت: KazanFirst.