اۆستريا دميتري فيرتاشتى اقش-قا ەكستراديتسيالامايدى

استانا. 2 مامىر. ۋكراينالىق وليگارح دميتري فيرتاش اقش-قا ەكستراديتسيالانبايدى. مۇنداي شەشىمدى 30 ءساۋىر كۇنى ون ساعاتقا سوزىلعان پروتسەستەن سوڭ ۆەنا سوتى قابىلدادى, دەپ حابارلادى lenta.ru. سوت پروتسەسىنە قاتىسقان ۋكراينا جوعارعى راداسىنىڭ دەپۋتاتى ۆاديم رابينوۆيچ ءوزىنىڭ فەيسبۋكتاعى پاراقشاسىندا سۋديانىڭ كەيبىر سوزدەرىن كەلتىرگەن: «مەن جەكە تۇلعالاردىڭ مىڭداعان قۇجاتتارىن قارادىم, ادام قۇقىقتارى جونىندەگى مامانداردى تىڭدادىم. ءىستىڭ ساياسي استارى بار, مەنىڭ شەشىمىم فاكتىلەرگە نەگىزدەلگەن». ەستەرىڭىزگە سالا كەتەيىك, دميتري فيرتاشقا تيتان وندىرۋگە رۇقسات بەرەتىن ليتسەنزياعا يە بولۋ ءۇشىن ءۇندى شەنەۋنىكتەرىنە پارا بەرگەن دەگەن كۇدىك كەلتىرىلگەن. الايدا, ۆەنا سوتى اقش تاراپىنىڭ كاسىپكەرگە قاتىستى دالەلدەرى جەتكىلىكسىز دەگەن قاۋلى شىعاردى. ال پروكۋرور سوت شەشىمىنە قارسى شاعىمداناتىنىن العا تارتتى. سوت وتىرىسى بارىسىندا قورعاۋشىلار اقش-تىڭ د.فيرتاشتى قىلمىستىق جاۋاپكەرشىلىككە تارتۋ امالدارىنىڭ ساياسي استارى بار ەكەنىن جانە بۇل قاجەتتىلىكتىڭ قۇراما شتاتتار مەن رەسەي اراسىنداعى «گەوپوليتيكالىق ويىننان» تۋىنداعانىن مالىمدەدى. ايدار ورىسباەۆ. دەرەك: lenta.ru. سۋرەت: ap.org.