ەكونوميكالىق وداق قىزمەتى تانىستىرىلدى

لوندوندا ەۋرازيالىق ەكونوميكالىق كوميسسيانىڭ ەكونوميكا جانە قارجى ساياساتى جونىندەگى ءمينيسترى تيمۋر سۇلەيمەنوۆتىڭ قاتىسۋىمەن ەاەو-نىڭ دامۋ بولاشاعىنا ارنالعان ەكى كۇندىك بريفينگ ءوتتى. كورولدىكتىڭ قورعانىس جانە قاۋىپسىزدىك ينستيتۋتىندا وتكەن شاراعا ديپلوماتيالىق ميسسيالار باسشىلارى, بىرىككەن كورولدىك مەملەكەتتىك ورگاندارىنىڭ وكىلدەرى, بريتاندىق جەتەكشى عىلىمي-زەرتتەۋ ورتالىقتارىنىڭ جانە جوعارى وقۋ ورىندارىنىڭ ساراپشىلارى قاتىستى. قازاقستاننىڭ ۇلىبريتا­نيا­داعى ەلشىسى ەرجان قازىحانوۆ ءىس-شارانى اشىپ, بريفينگكە قاتىسۋشىلاردى ەۋرازيا كەڭىس­تىگىندەگى ينتەگراتسيالىق ۇدەرىس­تەردىڭ دامۋ بارىسىمەن تانىستىرىپ ءوتتى. ە.قازىحانوۆ ەۋرازيالىق ەكونوميكالىق وداقتى قۇرۋ يدەياسىن 1994 جىلى قازاقستان پرەزي­دەنتى نۇرسۇلتان نازارباەۆ ۇسىن­عانى, ال ەاەو تۋرالى شارتقا 2014 جىلى استانادا قول قويىلعانى اتاپ كورسەتىلدى. ءوز سوزىندە ت.سۇلەيمەنوۆ ەۋرا­زيالىق ەكونوميكالىق وداق جۇمىسىنىڭ قاعيداتتارى مەن كەلەشەگى, ەاەو-نىڭ قۇرى­لىمى مەن مەحانيزمدەرى, سون­داي-اق, جوعارى ەۋرازيالىق ەكونومي­كا­لىق كەڭەس, ەۋرازيالىق ەكونومي­كا­لىق كوميسسيا سياقتى ينستيتۋت­تىق ورگانداردىڭ قىزمەتى تۋرالى باياندادى. مينيستر قاتىسۋشىلاردىڭ نازارىن ەاەو تۋرالى شارتتا ەكونوميكالىق ىنتىماقتاستىق جونىندەگى باستى ماسەلەلەر بو­يىنشا شەشىمدەردىڭ كونسەنسۋس نەگىزىندە قابىلداناتىندىعى مەن ۇيىمنىڭ ءار مۇشەسىنە ارنالعان ۆەتو قۇقىعى قاراستىرىلعاندىعىنا اۋداردى. بريفينگ بارىسىندا ەاەو-نىڭ ەكونوميكالىق جانە ينۆەس­تيتسيالىق الەۋەتى جوعارى ەكەندىگى, اركىمگە دە اشىق بىرلەستىك بولىپ تابىلاتىنى, سونداي-اق, قۇرا­مىندا 180 ميلليوننان استام حال­قى بار الەمدەگى اسا ءىرى تۇتىنۋ نارى­عى­نىڭ ءبىرى ەكەنى اتاپ ءوتىلدى. كەلەسى كۇنى ت.سۇلەيمەنوۆ لوندون ءسيتيدىڭ بريتاندىق جانە حالىق­­ارا­لىق كومپانيالارىنا ارنال­­عان ەاەو جونىندە ۇقساس تانىس­تىرىلىم وتكىزدى. سونىمەن قاتار, ت.سۇلەيمەنوۆ ءوزىنىڭ لوندون­عا ساپارى اياسىندا ەۋروپا قايتا قۇرۋ جانە دامۋ بانكىنىڭ سايا­سات جانە سەرىكتەستىك جونىندەگى ۆيتسە-پرەزي­دەنتى فيليپپ لە ۋەرۋ­مەن كەزدەستى. ەۋرازيالىق ەكونوميكالىق وداق – ەۋرازيالىق ەكونوميكالىق وداق تۋرالى شارتقا سايكەس قۇرىلعان حالىقارالىق ەكونوميكالىق ۇيىم. ەاەو اياسىندا تاۋارلاردىڭ, كاپيتالدىڭ جانە جۇمىس كۇشىنىڭ قوزعالۋ ەركىندىگى, سونداي-اق, ەكونوميكا سالالارىنداعى ۇيلەسىمدى, كەلىسىلگەن جانە بىرىڭعاي ساياسات جۇرگىزۋ قامتاماسىز ەتى­لەدى. ەاەو-نىڭ مۇشەلەرى ارمە­نيا رەسپۋبليكاسى, بەلارۋس رەسپۋب­ليكاسى, قازاقستان رەسپۋبليكاسى, قىرعىز رەسپۋبليكاسى (قازىر سوڭعىسىنىڭ ەاەو-عا قوسىلۋى تۋرالى شارتتى راتيفيكاتسيالاۋ ۇدەرىسى ءجۇرىپ جاتىر) جانە رەسەي فەدەراتسياسى بولىپ تابىلادى. «ەگەمەن-اقپارات».