اكادەميالىق ءبىلىمى بار وفيتسەرلەر رەسپۋبليكا قارۋلى كۇشتەرى كورپۋسى قۇرامىن تولىقتىردى

كەشە قازاقستان رەسپۋبليكا­سىنىڭ تۇڭعىش ­پرەزي­دەنتى – ەلباسى اتىنداعى ۇلتتىق قورعانىس ۋنيۆەرسيتەتى وفيتسەر­لەرى­نىڭ سالتاناتتى ءبىتىرۋ ءراسىمى ءوتتى. رەسپۋبليكا قارۋلى كۇشتەرىنىڭ 102 تۇلەك وفيتسەرى جاۋىنگەرلىك تۋ اكەلىنگەن ۋنيۆەرسيتەت الاڭىنا ساپقا ءتىزىلدى. «وفيتسەر مىرزالار, ءسىز­دەر­دى قازاقستان رەسپۋب­ليكاسىنىڭ تۇڭعىش پرەزي­دەن­تى – ەلباسى اتىنداعى ۇلتتىق قورعانىس ۋنيۆەرسيتەتىن ءساتتى بىتىرۋلە­رى­ڭىزبەن شىن جۇرەكتەن قۇتتىق­تايمىن. ارقايسىمىز جانە بارشا ەل ءۇشىن بۇل, ءسوزسىز, اتاۋلى كۇن. سەبەبى, سىزدەر زاماناۋي تۇرعىدا ساپالى ءبىلىم العان جوعارى اسكەري وقۋ ورنىنىڭ قابىرعاسىنان تۇلەپ شىققان وفيتسەرلەرسىزدەر» – دەپ قورعانىس ءمينيسترى يمان­عالي تاسماعامبەتوۆ اسكەري قىزمەتشىلەردى قۇتتىقتادى. «بۇگىنگى كۇن – مەن ءۇشىن وتە قۋا­­نىشتى جانە اتاۋلى كۇن. ءويت­كەنى, مەن كادرلىق اسكەري قىزمەتشى بو­لىپ تابىلامىن, بۇل مەنىڭ ەكىن­شى اسكەري ءبىلىمىم, اسكەري مان­سا­­­بىمنىڭ قيسىندى جالعاسى. وقۋ مەنىڭ دۇنيەتانىمىمدى كە­ڭەيتتى. بازالىق ءبىلىمىمدى مولايتتىم. مۇنداعى الەۋەت اناعۇرلىم كەڭ, ءبىلىم بەرۋ – وتە تەرەڭ. ۋني­­ۆەر­سيتەتتىڭ پروفەسسورلىق-وقى­­تۋ­­­شى­لار قۇرامىنا العىسىمدى ءبىل­­دىر­­گىم كەلەدى», دەدى ۇلتتىق قورعا­نىس ۋنيۆەرسيتەتىنىڭ تۇلەگى, پود­پول­كوۆنيك وراز كۇشىكوۆ. «بىزگە امەريكاداعى الاباما شتاتىنىڭ مونتگومەري قالاسىندا ورنالاسقان اسكەري-اۋە اكادە­ميا­سىن كورۋ مۇمكىندىگى بولدى. سول جەردە ولاردىڭ دايىندىعى مەن وقىپ-ۇيرەنۋىن زەردەلەدىك. ءبىزدى جوعارى كاسىبي ماماندار رەتىندە دايىن­داعان ۋنيۆەرسيتەتتىڭ پرو­فەس­سورلىق-وقىتۋشىلار قۇرا­مىنا العىسىمدى بىلدىرگىم كەلەدى», – دەدى كەلەسى ءبىر تۇلەك, پود­پولكوۆنيك تالعات قالاباەۆ. باس شتاب فاكۋلتەتىنىڭ تۇلەك­تە­­­رىمەن قاتار, كەشە مۇندا ۇلت­تىق ۇلان, شەكارا قىزمەتى جانە ارنايى دايارلىق فاكۋل­تەت­تەرىنىڭ وفيتسەرلەرى تۇلەپ شىقتى. ارمان­داعان ديپلومدارىن ۋني­ۆەرسي­تەتتىڭ بارلىق 18 كافە­دراسى­نىڭ تىڭداۋشىلارى الدى, دەپ حابارلادى قورعانىس مينيستر­لىگىنىڭ ءباسپاسوز قىزمەتى.