ءار جىلدىڭ ءوز ەرەكشەلىگى, ءوز ىرىسى بولارى انىق. 2024 جىل دا الەم ءۇشىن دە, سول الەمنىڭ ءبىر بولشەگى قازاقستان ءۇشىن دە سىناق پەن مۇمكىندىككە تولى بولدى.
اسىرەسە كوكتەمگى سۋ تاسقىنى ەلدى دە, ەردى دە داعدارتتى. سۋ تاسقىنىنىڭ بەتى قاتتى بولعانىن كوز كوردى. كوكتەمگى سۋ تاسقىنىنىڭ سالدارىن جويۋ ءۇشىن قابىلدانعان شارالار مەملەكەتتىڭ ءتيىمدى جۇمىس ىستەي الاتىنىن كورسەتىپ, زارداپ شەككەن ءار وتباسى كومەك-قولداۋسىز قالمادى. ءۇي سالىندى, پاتەر بەرىلدى, ينفراقۇرىلىم نىساندارى قالپىنا كەلتىرىلدى. بارشا تۇرعىن مەن كاسىپكەردىڭ شىعىنى وتەلگەنىن ءبىزدىڭ اقمولا وبلىسىنىڭ جاعدايىنان دا تولىق اڭعارۋعا بولادى. ءتىپتى قارعىن سۋدىڭ ورتاسىندا قالىپ, بارلىق بايلانىستان ۇزىلگەن جارقايىڭ اۋدانىنداعى ۇشقاراسۋ اۋىلىنا ازىق-ت ۇلىك, ءدارى-دارمەك, زەينەتاقى مەن جاردەماقىلار دا قايىقپەن جەتكىزىلىپ تۇردى. بۇل جاعداي اۋىل حالقىن شىنايى ريزاشىلىققا بولەدى.
پرەزيدەنت سۇحباتىندا ەلىمىزدە بىلتىر بۇرىن-سوڭدى بولماعان استىق جينالعانىن دا ايتتى. بۇل – كوپتىڭ نەسىبەسى, ەلدىڭ ىرىزدىعى. بيىل استانادا اۋىل شارۋاشىلىعى قىزمەتكەرلەرىنىڭ ءبىرىنشى فورۋمى وتكىزىلدى. پرەزيدەنت ءوزى باس بولىپ اۋىلدىڭ دامۋىنا, جەرگىلىكتى جۇرتشىلىقتىڭ قاناتتانا تۇسۋىنە زور ىقپال ەتتى. وسى فورۋمدا قاسىم-جومارت توقاەۆ: «اقمولا وبلىسىن ۇلگى رەتىندە ايتۋعا بولادى. بۇل ايماق ەلوردانىڭ ازىق-ت ۇلىك بەلدەۋى دەگەن اتقا لايىق ەكەنىن دالەلدەدى. بيىل وبلىستىڭ اۋىل شارۋاشىلىعىنداعى جالپى ءونىمى ەكى ەسە وسكەن. بۇل – وتە جاقسى ناتيجە», دەپ اتاپ كورسەتتى. راسىندا, اقمولالىق ديقاندار وتكەن جىلعى اۋا رايىنىڭ اسا كۇردەلى جاعدايىنا قاراماستان, 6,6 ميلليون توننا استىق جيناپ, وراسان تابىسقا قول جەتكىزدى.
«جالپى, بىلتىر الەمدىك دەڭگەيدەگى وسىنداي كوپتەگەن ءىس-شاراعا قاتىستىڭىز. بۇل ءسىزدىڭ سىرتقى ساياساتقا باسا ءمان بەرەتىنىڭىزدى مەڭزەپ, پرەزيدەنت – كاسىبي ديپلومات, سوندىقتان حالىقارالىق ماسەلەلەرگە كوبىرەك نازار اۋدارادى» دەگەن اڭگىمەنىڭ شىعۋىنا تۇرتكى بولدى. شىنىمەن دە سولاي ما؟» دەگەن گازەت ءتىلشىسىنىڭ ساۋالىنا وراي قاسىم-جومارت توقاەۆ ءبىز, ەڭ الدىمەن, حالىقارالىق ارەناداعى ءىس-ارەكەتتەرىمىزگە جاۋاپكەرشىلىكپەن قاراپ, قازىرگى زاماننىڭ اسا كۇردەلى ماسەلەلەرىنە كەلگەندە, سىندارلى ۇستانىمدا بولۋىمىز كەرەكتىگىن جەتكىزدى. قازىرگىدەي دۇربەلەڭى, داۋ-جانجالى, قارۋلى قاقتىعىستارى تىيىلماي وتىرعان جاعدايدا قاسىم-جومارت توقاەۆتىڭ پرەزيدەنت رەتىندەگى قىزمەتىندە سىرتقى ساياساتقا باسىمدىق بەرىپ وتىرۋى اسا ماڭىزدى, وتە ورىندى.
«مەنىڭ باستى ماقساتىم – مەملەكەتىمىزدىڭ ەكونوميكالىق الەۋەتىن, ەگەمەندىگىن جانە حالىقارالىق ارەناداعى ورنىن نىعايتا ءتۇسۋ», دەگەن وسى ءبىراۋىز سوزىمەن-اق پرەزيدەنتىمىز تۋعان ەلى مەن حالقىنىڭ الدىنداعى پارىزىن پايىمداپ وتىر ەمەس پە؟ ولاي بولسا, پرەزيدەنت سىرتقى ساياساتتى نىعايتىپ جاتسا, ءبىز, وتانداستار ءوز ەلىمىزدىڭ ىشكى ساياساتىن نىعايتۋىمىز كەرەك. بۇل – ەلدەگى بىرلىكتى, ىنتىماقتى نىعايتۋ, ەڭبەك ەتۋ, ءبىلىمدى بولۋ, جاسامپاز ۇلت بولۋ,بولاشاققا سەنىممەن قاراۋ!
پرەزيدەنتكە ءتىلشىنىڭ قويعان سۇراقتارى دا, مەملەكەت باسشىسىنىڭ سول سۇراقتارعا قايتارعان جاۋاپتارى دا كوپشىلىكتىڭ كوكەيىندە جۇرگەن الاڭدى ماسەلەلەر ەدى. قازاق ەلىن دۇربەلەڭگە سالىپ, الەم جۇرتىنىڭ نازارىن اۋدارعان 2022 جىلعى قاڭتار وقيعاسى جۇرەكتەردى ءالى دە سىزداتىپ, الاڭداتارى بار. ويتكەنى مۇندا ەل تاعدىرى, مەملەكەت تاۋەلسىزدىگىنىڭ تاعدىرى جاتقانى انىق ەدى. سول قاڭتار وقيعاسىنان الار ءبىر ساباق بار, بۇل – تاۋەلسىزدىككە وپاسىزدىق جاساۋعا بولمايدى, تاۋەلسىزدىك تاعدىرىمەن ويناۋعا جول جوق.
«قاڭتار وقيعاسىنان ءۇش جىل وتكەندە ازاماتتارىمىزدىڭ كوپشىلىگى ەلىمىزدە بۇرىن-سوڭدى بولماعان وسى دۇربەلەڭ كوپە-كورىنەۋ الەۋمەتتىك ادىلەتسىزدىكتىڭ, ساياسي توقىراۋدىڭ, سونداي-اق قاسكويلەردىڭ شەكتەن تىس مەنمەندىگىنىڭ جانە ولاردىڭ حالىق پەن مەملەكەت تاعدىرىنا نەمقۇرايلى قاراۋىنىڭ كەسىرىنەن ورىن العانىنا ابدەن كوز جەتكىزدى», دەگەن قاسىم-جومارت توقاەۆتىڭ جۋرناليسكە بەرگەن جاۋابىندا قاڭتار وقيعاسىنىڭ سالدارى مەن سەبەبى ورىندى انىقتالعان دەر ەدىم.
ءومىر وزگەرىپ جاتىر. سول وڭ وزگەرىستەردى بايقاماۋ, سەزبەۋ مۇمكىن ەمەس. قوعام اشىقتىققا دەن قويدى. بيلىك پەن حالىقتىڭ اراسىندا سەنىمدى بايلانىس ورنىعىپ كەلەدى. وسىنىڭ بارلىعى دا پرەزيدەنتىمىز قاسىم-جومارت توقاەۆتىڭ ازاماتتاردى ساياسي ومىرگە بەلسەندى ارالاسۋىنا مۇمكىندىك جاساۋىنىڭ ارقاسىندا بولىپ وتىر.
«2022 جىلعى ماۋسىم ايىندا وتكەن رەفەرەندۋمنىڭ ناتيجەسىندە كونستيتۋتسيا باپتارىنىڭ ۇشتەن ءبىرى جاڭارعانىن قاپەرگە سالا كەتەيىن. مۇنىڭ ءوزى رەفورمانىڭ قانشالىقتى اۋقىمدى ەكەنىن كورسەتەدى. قازىرگى تاڭدا كوپتەگەن رەفورما ءىس جۇزىندە جۇزەگە اسىرىلىپ جاتىر. ءبىزدىڭ باعىتىمىز ايقىن, ماقساتىمىز بەلگىلى», دەگەن پرەزيدەنتتىڭ قازاقستاننىڭ تۇراقتى تۇردە الەۋمەتتىك-ەكونوميكالىق دامۋىن قامتاماسىز ەتۋ, ەلىمىزدىڭ وڭىردەگى كوشباسشى مارتەبەسىن نىعايتۋ جونىندەگى ستراتەگيالىق مىندەتى – باعا جەتپەس قۇندىلىق, باستى ماقسات, وزەكتى مۇددە. ولاي بولسا, پرەزيدەنت ايتىپ وتىرعان ەكونوميكانى جانە ەگەمەندىكتى نىعايتۋعا ارقايسىمىز قىزمەت ەتۋگە مىندەتتىمىز. ەل تاعدىرىنا, تاۋەلسىزدىككە ءبارىمىز جاۋاپتىمىز!
جابال ەرعاليەۆ,
قازاقستاننىڭ ەڭبەك سىڭىرگەن قايراتكەرى
كوكشەتاۋ
