ايماق جولدارىنداعى قاۋىپسىزدىكتى ارتتىرۋ ءۇشىن 90000 شارشى مەتر الاڭعا شۇڭقىرلاردى جوندەۋ جۇمىستارى جۇرگىزىلدى, 1200 كم جولعا جول بەلگىلەرى سالىندى جانە جاياۋ جۇرگىنشىلەر وتكەلدەرى رەتكە كەلتىرىلدى. جاڭعىرتۋ اياسىندا 946 جاڭا جول بەلگىسى, 29 ستروبوسكوپ جانە 9 باعدارشام ورناتىلدى. سونداي-اق 4 كم مەتالل قورشاۋلار ورناتىلىپ, جول قوزعالىسىنا قاتىسۋشىلاردىڭ قاۋىپسىزدىگى ەداۋىر ارتتى. بىرلەسكەن رەيدتەر بارىسىندا 76 قۇقىق بۇزۋشىلىق انىقتالىپ, تاسىمالداۋ سالاسىنداعى باقىلاۋ كۇشەيتىلدى.
قوعامدىق كولىكتى دامىتۋعا ەرەكشە نازار اۋدارىلدى. ءبىر جىل ىشىندە وبلىستىڭ اۆتوپاركى 44 جاڭا اۆتوبۋستارمەن تولىقتى, ونىڭ 27-ءسى قازاقستاندا وندىرىلگەن. بۇل ونەركاسىپتى دامىتۋ قورىنىڭ ليزينگتىك باعدارلاماسى ارقاسىندا مۇمكىن بولدى. 47 ەلدى مەكەندى قامتيتىن 18 جاڭا اۋدانىشىلىك جانە ءبىر وبلىسارالىق مارشرۋت ىسكە قوسىلدى. الداعى جىلدارى كولىك جاڭارتۋ جالعاسادى, بۇل ءوڭىردى تۇرعىندار مەن قوناقتار ءۇشىن قولايلى ءارى جايلى ەتۋگە باعىتتالعان.
بيىلعى جىلى 5 كوپىردى كۇردەلى جوندەۋ جانە وبلىستىق ماڭىزى بار اۆتوجولداردىڭ 126,2 كم بولىگىندە ورتاشا جوندەۋ, 26 كم بولىگىندە كۇردەلى جوندەۋ جۇرگىزۋ جوسپارلانۋدا. سونىمەن قاتار, جول قوزعالىسى قاۋىپسىزدىگىن قامتاماسىز ەتۋ جۇمىستارى, اۆتوماتتاندىرىلعان ولشەۋ ستانتسيالارىن ورناتۋ جوسپارلانىپ وتىر. قوناەۆ قالاسىنىڭ الەۋمەتتىك-ەكونوميكالىق دامۋ جوسپارى بويىنشا جانە اپاتتى كوپىرلەردى كۇردەلى جوندەۋدەن وتكىزۋگە ارنالعان جوبالىق-سمەتالىق قۇجاتتار ازىرلەنۋدە.
وسى جىلدىڭ مامىر ايىندا جەرگىلىكتى بيۋدجەتتى ءبولۋ بويىنشا وتىرىسقا بيۋدجەت ءوتىنىمى جولدانادى.
جالپى پايدالانىمداعى اۆتوجولداردى جوندەۋ جانە كۇتىپ ۇستاۋدىڭ تەحنيكالىق ەرەجەلەرىنىڭ 15-تارماعىنا سايكەس (قر 218-29-03), قاردى تازالاۋ جۇمىستارى اۆتوجولداردىڭ ساناتى بويىنشا, ياعني, I سانات – 2 ساعات, II سانات – 4 ساعات, III سانات – 5 ساعات, IV سانات – 6-12 ساعات, V سانات – 16 ساعات ۋاقىت ارالىعىندا جۇرگىزىلەدى. اتالعان ەرەجەلەرگە سايكەس, قىس مەزگىلىندە قار تازالاۋ جۇمىستارى ۋاقتىلى ورىندالۋدا. اۋداندىق ماڭىزى بار اۆتوجولدار مەن كوشە-جول جەلىسىن كۇتىپ ۇستاۋعا 100 تەحنيكا, 9 232 توننا تايعاققا قارسى ماتەريال, 557 توننا جانار-جاعارماي دايىندالدى. وبلىستىق ماڭىزى بار اۆتوجولداردى كۇتىپ ۇستاۋعا 117 تەحنيكا, 10 625 توننا تايعاققا قارسى ماتەريال, 333 توننا جانار-جاعارماي دايىندالدى.
قىس مەزگىلىندە جالپى پايدالانىمداعى اۆتوجولداردى قاردان تازارتۋ جۇمىستارى الماتى وبلىسى اكىمدىگىنىڭ تۇراقتى باقىلاۋىندا.
الماتى وبلىسى
