ورتاق ۇستانىم ورايىنداعى اڭگىمە

قازاقستان رەسپۋبليكاسى پارلامەنتى سەناتىنىڭ توراعاسى قاسىم-جومارت توقاەۆ بەلارۋس ۇلتتىق جينالىسى وكىلدەر پالاتاسىنىڭ توراعاسى ۆلا­ديمير اندرەيچەنكومەن كەزدەستى, دەپ حابارلادى سەناتتىڭ ءباسپاسوز قىزمەتى. ق.توقاەۆتىڭ پىكىرىنشە, بەلارۋس پار­لامەنتشىلەرىنىڭ ساپارى ەكى ەل اراسىنداعى وداقتاستىق قارىم-قاتىناستاردى ودان ءارى دامى­تۋعا ىقپال ەتەدى. سەنات توراعاسى قازاق­ستان حالقى اسسامبلەياسىنىڭ 20 جىلدىعىنا ارنالعان حالىقارالىق كونفەرەنتسياعا قاتىسقانى, فورۋمدا قازاقستانعا جانە مەملەكەت باسشىسى نۇرسۇلتان نازارباەۆتىڭ اتىنا بىلدىرگەن ىستىق ىقىلاسى ءۇشىن بەلا­رۋستىك ارىپتەسىنە ريزاشىلىق ءبىلدىردى. سەنات توراعاسى ەلباسى ۇسىنعان بەس ينستيتۋتتىق رەفورما نەگىزىندە قازاقستان ىرگەلى وزگەرىستەر قارساڭىندا تۇرعانىن اتاپ ءوتتى. ق.توقاەۆ قازاقستان مەن بەلارۋس پار­لا­مەنتشىلەرى ەكىجاقتى دەڭگەيدە عانا ەمەس, سونداي-اق, تمد, ۇقشۇ جانە باسقا دا ۇيىم­داردىڭ پارلامەنتارالىق اسسامبلەيالارى اياسىندا جەمىستى ءىس-قيمىل جۇزەگە اسىپ كەلە جاتقانىن ىقىلاسپەن اتادى. سونداي-اق, ەۋ­ر­ا­ز­يالىق ەكونوميكالىق كوميسسيانىڭ قىزمەتى دە دەپۋتاتتار تاراپىنان ءتيىستى قولداۋدى تالاپ ەتەتىنىنە توقتالدى. ءوز كەزەگىندە, ۆ.اندرەيچەنكو بەلارۋس قازاقستاننىڭ جەتىستىكتەرىن جوعارى باعا­لاي­تىنىن جانە ەلىمىزدىڭ حالىقارالىق ارەناداعى بەدەلى ارتا تۇسكەنىنە قۋانىشتى ەكەنىن اتاپ ءوتتى. مارتەبەلى مەيمان پارلامەنتارالىق ىنتىماقتاستىقتى ودان ءارى تەرەڭدەتۋ, سونداي-اق, ەكى ەلدىڭ وڭىرلەرى اراسىنداعى بايلانىستاردى ورىستەتۋ تۋرالى ويلارىن ورتاعا سالدى. وسىعان بايلانىستى, بەلارۋس پارلامەنتى وكىلدەر پالاتاسىنىڭ توراعاسى جەرگىلىكتى ءوزىن ءوزى باسقارۋ مەن جەرگىلىكتى جەرلەردەگى وكiلدi جانە اتقارۋشى ورگاندار قىزمەتىنىڭ تيىمدىلىگىن ارتتىرۋعا باعىتتالعان بەلارۋس رەفورمالارى تۋرالى اڭگىمەلەدى.