اقتاۋ پورتىنىڭ اۋقىمى

سولتۇستىك باعىتتا كەستەگە سايكەس كەڭەيىپ كەلەدى كاسپيدەگى اقتاۋ تەڭىز پورتىن سولتۇستىك باعىتتا كەڭەيتۋ جوباسى بويىنشا جولدىڭ جوعارعى جاعىن توسەۋ جونىندەگى بارلىق جۇمىستاردى قۇرىلىسشىلار 1 شىلدەگە قاراي اياقتاۋدى جوسپارلاپ وتىر, دەپ حابارلادى «قتج» ۇك» اق-تىڭ ءباسپاسوز قىزمەتى. ءۇش ايلاق – استىق, كون­تەي­نەرلىك جانە باس جۇكتەر ءۇشىن ايلاقتار قۇرىلىسى قازىر­دىڭ وزىندە ءىس جۇزىندە اياقتا­لىپ قالدى. استىق تەرمي­نا­لىنىڭ بارلىق التى ساقتاۋ شۇڭقىرى كوتەرىلىپ, قۇرال-جاب­دىقتاردى مونتاجداۋ جۇ­مىستارى سوڭعى بەلەسىنە جەتكەن. ءتورتىنشى ايلاق – پورت فلو­تىنا ارنالعان ايلاق جۇ­مىس­تارىن ءتامامداۋ جاقىن اراعا بەلگىلەنگەن. قازىرگى كەزدە ەلەكترمەن قام­تاماسىز ەتۋدىڭ سىرتقى جۇ­مىستارى جۇزەگە اسىرى­لۋدا. سىرتقى ەلەكتر جەلى­لەرى تارتىلىپ, ىشكى الاڭدىق ترانس­فورماتورلى پودستان­سا جەتكىزىلۋدە جانە قۇراس­تى­رىلۋدا. تەمىرجول جەلىسى ارقىلى مۇناي وتكىزگىشتى كوشىرۋ جۇمىستارى دا قارقىندى ءجۇرىپ جاتىر. – نەگىزگى اكىمشىلىك عي­ما­راتىنا ارنالعان مەتالل قۇرىلعىلارى قۇرىلىس الاڭى­نا 25 ماۋسىمعا دەيىن جەت­كىزىلەتىن بولادى, – دەيدى قۇ­رىلىسشىلار. اكىمشىلىك عيما­را­تى­نىڭ, سانيتارلىق-ەپيدە­ميو­لوگيالىق قىزمەت كورسەتۋ ورتالىعىنىڭ, ماتەريالدىق-تەحنيكالىق قويمالاردىڭ, قۇرال-جابدىقتار قويماسى مەن كولىكجايدىڭ ىرگەتاسى قۇرىلىسى جۇرگىزىلۋدە. سو­نى­مەن ءبىر مەزگىلدە, پورتپەن بايلانىستىراتىن اۆتوموبيل جولىن توسەۋ ءجۇرىپ جاتىر. – قارقىن اسا جوعارى. كەس­تەدەن قالماۋعا تىرىسۋدامىز, – دەيدى باس مەردىگەردىڭ وكىلى. اقتاۋ حالىقارالىق ساۋ­دا تەڭىز پورتىن سولتۇستىك با­عىت­تا كەڭەيتۋ جوباسىن جۇزەگە اسىرۋ كليەنتتەر ءۇشىن جاڭا دا زاماناۋي قىزمەت كورسەتۋدى قامتاماسىز ەتىپ, اقتاۋ پور­تىنىڭ وتكىزۋ قابىلەتىن قۇرعاق جۇكتەردى 3 ميلليون تونناعا دەيىن, ال كونتەينەر جۇكتەرىن 1,5 ميلليون تونناعا دەيىن ۇلعايتۋعا مۇمكىندىك بەرەدى.