سۋرەت: primeminister.kz
جيىن بارىسىندا «Qarmet» اق-مەن ينۆەستيتسيالار تۋرالى كەلىسىم ماقۇلدانعانى ءمالىم بولدى. 2024 جىلى كومپانيا ءوزىنىڭ ينۆەستيتسيالىق مىندەتتەمەلەرىن ورىنداۋ شەڭبەرىندە جوعارى قايتا ءبولۋ كلاستەرلەرىن قۇرۋ ءۇشىن زاۋىتتى جاڭعىرتۋعا جانە ينفراقۇرىلىمدى دامىتۋعا 1,3 ملرد دوللار ينۆەستيتسيالادى. بۇل رەتتە ۇزاقمەرزىمدى ستراتەگيا شەڭبەرىندە كاسىپورىن 2028 جىلدىڭ سوڭىنا دەيىن ينۆەستيتسيالىق جوبالاردى ىسكە اسىرۋعا 3,5 ملرد دوللار باعىتتاۋدى جوسپارلاپ وتىر. «Qarmet» اق زاۋىتىن جاڭعىرتۋ ءوڭىردىڭ الەۋمەتتىك-ەكونوميكالىق دامۋىنداعى ماڭىزدى قادام بولماق.
سونىمەن قاتار سولتۇستىك قازاقستان وبلىسىندا «Ultradecor Trading Kazakhstan» جشس باعدارلانعان جوڭقا جانە لاميناتتالعان اعاش-جوڭقا تاقتالارىن شىعاراتىن زاۋىت سالۋ بويىنشا ينۆەستيتسيالار تۋرالى كەلىسىم جاساسۋ ماقۇلداندى. جوبانى ىسكە اسىرۋ وڭدەۋ ونەركاسىبىن دامىتۋدىڭ مۋلتيپليكاتيۆتىك اسەرىن تۋدىرادى جانە ەكونوميكاعا شامامەن 82 ملرد تەڭگە ينۆەستيتسيا اكەلەدى.
سونداي-اق تۇركىستان وبلىسىنداعى وگەم وزەنىندە سۋ ەلەكتر ستانسالارى كاسكادى بار سۋ قۇبىرىن سالۋ جوباسى ماقۇلداندى. جوباعا سالىنعان ينۆەستيتسيالاردىڭ جالپى كولەمى شامامەن 190 ملرد تەڭگەنى قۇرايدى. جوبانىڭ ماقساتى – تۇركىستان وبلىسىنىڭ 1 ملن-عا جۋىق تۇرعىنىن ساپالى اۋىزسۋمەن قامتاماسىز ەتۋ. جوبا سونىمەن قاتار وڭىردەگى ەلەكتر ەنەرگياسىنىڭ تاپشىلىعىن جابۋعا, سانيتارلىق-گيگيەنالىق جاعدايلاردى جانە جەرگىلىكتى حالىقتىڭ جالپى ءومىر ءسۇرۋ ساپاسىن جاقسارتۋعا باعىتتالعان.
باستامالار زاماناۋي تەحنولوگيالاردى ەنگىزۋگە, جوعارى اقى تولەنەتىن جۇمىس ورىندارىن قۇرۋعا جانە ەل ەكونوميكاسىنىڭ باسەكەگە قابىلەتتىلىگىن ارتتىرۋعا باعىتتالعان ەلىمىزدىڭ ونەركاسىپتىك الەۋەتىنىڭ سەنىمدى دامۋىن كورسەتەدى.
