فوتو: اشىق دەرەككوز
ءىس ماتەريالدارىنا سايكەس, ول 2022 جىلدىڭ كۇزىندە ۇرىس قيمىلدارىنا قاتىسۋعا شەشىم قابىلداعان. ەر ادام جەزقازعاننان پەتروپاۆلعا كەتىپ, ودان كەيىن تاكسيمەن قازاقستان-رەسەي شەكاراسىن كەسىپ وتكەن.
كەيىن سوتتالۋشى جەكە اسكەري روتانىڭ وكىلىمەن بايلانىسىپ, وقۋ-جاتتىعۋ جيىنىنا بارىپ, ولاردىڭ قاتارىنا قوسىلۋ تۋرالى كەلىسىمگە كەلگەن. ولار وعان قاقتىعىسقا قاتىسقانى ءۇشىن 240 000 رۋبل (1,2 ميلليون تەڭگە) تولەۋگە, ال قايتىس بولعان جاعدايدا دوسىنا 5 ميلليون رۋبل (25 ميلليون تەڭگە) اۋدارىلاتىنىنا ۋادە بەرەدى.
ەر ادام 2022 جىلدىڭ 6 جەلتوقسانىنان 2023 جىلدىڭ 6 شىلدەسىنە دەيىن جاۋىنگەرلىك ارتيللەريالىق بولىمشەدە بولعان جانە «شەت مەملەكەتتىڭ اسكەري كۇشتەرىنە قارسى جاۋىنگەرلىك تاپسىرمالاردى ورىنداعان». 2023 جىلى 28 شىلدەدە قازاقستانعا ورالدى. سوت وتىرىسىندا ەر ادام ءوز كىناسىن تولىق مويىندادى.
سوت ونى قىلمىستىق كودەكستىڭ 172-بابى «شەتەلدىك قارۋلى قاقتىعىستارعا قاتىسۋ» بويىنشا كىنالى دەپ تاۋىپ, ءتورت جارىم جىلعا باس بوستاندىعىنان ايىردى. ول جازاسىن جالپى رەجيمدەگى تۇزەۋ مەكەمەسىندە وتەيتىن بولادى.
