قوستاناي. 1 مامىر. قوستانايدا مەرەكەگە جينالعاندار ىدىستار كورمەسىن تاماشالادى. بۇل تۋرالى egemen.kz ءتىلشىسى حابارلادى.
ورتالىق الاڭدا تىگىلگەن شاتىرلار ىشىنە قازاقتار مەن قوستاناي وڭىرىندە ەتنوستار پايدالانعان ىدىستار قويىلدى. ونىڭ كوپشىلىگى وبلىستىق تاريحي-ولكەتانۋ مۋزەيىنىڭ قورىنان الىنعان. ساماۋىرلار, قاسىقتار, استاۋلار, اعاش تاباقتار, قۇماندار, قازاندار حالقىمىزدىڭ وتكەن ۋاقىتىنان حابار بەرگەندەي.
وبلىستىق تاريحي-ولكەتانۋ مۋزەيى ديرەكتورىنىڭ وىرنباسارى گالينا ساتالكينا: «ءبىز قازاقستان حالقى بىرلىگى مەرەكەسىنە مۋزەيدەن نە كورسەتەمىز دەگەندە وسى ىدىستارعا توقتادىق. ويتكەنى داستارحان – كيەلى ۇعىم, تاماق ىشەتىن ىدىس تا كيەلى. داستارحان, ىدىس ادامداردى جاقىنداتادى. ءبىز ءحىح عاسىردان بەرى قاراي ۋاقىتتاعى ىدىمداردى قوستانايلىقتار مەن قالا قوناقتارىنا كورسەتىپ وتىرمىز. تانىمدىق جاعى وتە مول. مەركەگە كەلگەندەر ءار ىدىستى قىزىقتاپ كورۋدە. ونىڭ ۇستىنە ءار حالىقتىڭ ىدىستارىندا ەرەكشەلىك, وزىنە ءتانى سۇيكىمدىلىك پەن سۇلۋلىق بار», دەدى.
ءنازيرا جارىمبەتوۆا.
دەرەك, سۋرەت: egemen.kz
