تاعايىندالعانعا دەيىن ول باس پروكۋراتۋرانىڭ قوعامدىق مۇددەلەردى قورعاۋ قىزمەتىنىڭ باستىعى لاۋازىمىن اتقارعان.
مارات ابىشەۆتىڭ ورتالىق اپپاراتتىڭ بەيىندى بولىمشەسىنە باسشىلىق جاساۋدى جانە پروكۋراتۋرا ورگاندارىنىڭ قوعامدىق مۇددەلەردى قورعاۋ سالاسىنداعى قىزمەتىن ۇيلەستىرۋدى قوسا العاندا, ايتارلىقتاي جۇمىس تاجىريبەسى بار. ول ەل پرەزيدەنتى قويعان مىندەتتەردىڭ ورىندالۋىنا, سونىڭ ىشىندە ءىرى ينۆەستيتسيالىق جوبالاردى سۇيەمەلدەۋگە, پايدالانىلماعان جەرلەردى مەملەكەتكە قايتارۋعا, ازاماتتاردىڭ ەڭبەك قۇقىقتارى مەن حالىقتىڭ الەۋمەتتىك وسال توپتارىن قورعاۋعا جەتەكشىلىك ەتتى.
مارات ابىشەۆ 1979 جىلى 5 قىركۇيەكتە قاراعاندىدا دۇنيەگە كەلگەن.
پروكۋراتۋرا ورگاندارىنداعى قىزمەتىن 2000 جىلى قاراعاندى وبلىسىنىڭ جەزقازعان قالاسى پروكۋرورىنىڭ كومەكشىسى بولىپ باستاعان. كەيىن باس پروكۋراتۋرادا پروكۋرور, سودان كەيىن ازاماتتىق جانە اكىمشىلىك ىستەر بويىنشا سوت اكتىلەرى مەن اتقارۋشىلىق ءىس جۇرگىزۋدىڭ زاڭدىلىعىن قاداعالاۋ دەپارتامەنتىنىڭ باسقارما پروكۋرورى قىزمەتتەرىن اتقارعان.
سونداي-اق, شىعىس قازاقستان وبلىسى زىريان اۋداندىق سوتىنىڭ سۋدياسى بولىپ جۇمىس ىستەگەن. ءار جىلدارى باس پروكۋراتۋرانىڭ سوتتاردا مەملەكەت مۇددەسىن قورعاۋ دەپارتامەنتىنىڭ اعا پروكۋرورى, ءبولىم باسشىسى, دەپارتامەنت باسشىسىنىڭ ورىنباسارى, قوستاناي وبلىسى پروكۋرورىنىڭ ورىنباسارى جانە ءبىرىنشى ورىنباسارى, سونداي-اق باس پروكۋرور اپپاراتى باسشىسىنىڭ ورىنباسارى لاۋازىمدارىندا قىزمەت ەتتى.
پروكۋراتۋرا ورگاندارىنداعى جالپى جۇمىس ءوتىلى 22 جىلدان اسادى. كاسىبي جەتىستىكتەرى ءۇشىن II دارەجەلى «ايبىن» وردەنىمەن جانە «جاۋىنگەرلىك ەرلىگى ءۇشىن» مەدالىمەن ماراپاتتالعان.
