فوتو: اشىق دەرەككوز
ۆەدومستۆو مالىمەتىنشە, جەلىدە ازاماتتار شىنايى اقشانى جالعان نەمەسە سۋۆەنيرلىك اقشامەن شاتاستىراتىن بەينەلەر كەڭىنەن تارالعان.
«بۇل بەينەروليكتەر ادامدار ءتيىستى نازار اۋدارماي, شىنايى اقشانى جالعان نەمەسە سۋۆەنيرلىك اقشادان اجىراتا المايتىنىن جانە زاڭسىز وپەراتسيالارعا قاتىسۋ سياقتى جاعىمسىز سالدارعا اكەپ سوعاتىنىن كورسەتەدى», دەپ حابارلادى قما ءباسپاسوز قىزمەتى.
جالپى, 2024 جىلدىڭ باسىنان باستاپ قازاقستان اۋماعىندا اينالىمنان 2 مىڭعا جۋىق جالعان بانكنوتا الىنىپ, قارجىلىق تۇراقتىلىققا ەلەۋلى قاۋىپ توندىرگەن. جالپى الىنعان جالعان اقشالاردىڭ سوماسى 80 ميلليون تەڭگەدەن اسقان.
جالعان بانكنوتا جاساۋمەن جانە ساتۋمەن اينالىسقان 8 ادام سوتتالعان. ولار 5 جىلدان 6 جىلعا دەيىنگى مەرزىمگە باس بوستاندىعىنان ايىرىلعان.
«مۇنداي جاعدايلاردى بولدىرماۋ ءۇشىن اقشالاي وپەراتسيالار كەزىندە بانكنوتالاردى تەكسەرىڭىز. اقشا قاعازىنىڭ ساپاسىنا, قورعانىش ەلەمەنتتەرىنە ء(مورتاڭباسى, ميكروەلەمەنتتەر, بەلگىلى ءبىر جارىقتا كورىنەتىن بەلگىلەرى) جانە تەكستۋرا مەن شريفتىنە نازار اۋدارىڭىز. جالعان اقشا جاساۋشىلاردىڭ قۇربانى بولىپ قالماۋ جانە قىلمىستىق قۋدالاۋعا تۇسپەۋ ءۇشىن, بوتەن ادامدارمەن اقشا الماستىرىپ, ۆاليۋتا ايىرباستاۋ بويىنشا قولايلى كۋرس ۇسىنسا دا دەلدالدارمەن مامىلە جاساماعانىڭىز دۇرىس», دەلىنگەن حابارلامادا.
