قوستانايدا «التىن ميكروفون» بايقاۋى وتۋدە (ۆيدەو)

استانا 1 مامىر. قوستاناي قالاسىندا جاس انشىلەر اراسىندا «التىن ميكروفون» حالىقارالىق بايقاۋى وتۋدە. وعان ءارتۇرلى جاس ەرەكشەلىكتەرىنە بايلانىستى بولاشاق انشىلەر قاتىسۋدا. بۇل تۋرالى 24.kz حابارلادى. بۇگىن, ياعني, قازاقستان حالقىنىڭ بىرلىگى كۇنىنە وراي, بايقاۋ جەڭىمپازدارى جانە قوناقتارىنىڭ قاتىسۋىمەن گالا-كونتسەرت وتەدى. «قوستاناي – بەيبىتشىلىك پەن دوستىقتىڭ قالاسى» دەپ ۇرانداتقان بايقاۋعا قاتىسۋشىلار اندەرىن قازاقستان حالقى اسسامبلەياسى جىلىنا ارناۋدا. ءداستۇرلى بايقاۋ بيىل XIII رەت ۇيىمداستىرىلىپ وتىرعانىن ايتا كەتەيىك. جاس انشىلەردىڭ فەستيۆالى ەلىمىزدەن بولەك, الىس-جاقىن شەت ەلدەرگە دە تانىمال. «التىن ميكروفون» بايقاۋىن ۇيىمداستىرۋشى بالۋان بەركەنوۆتىڭ ايتۋىنشا, جىل سايىن قاتىسۋشى ەلدەردىڭ اياسى كەڭەيىپ كەلەدى. «بيىلعى بايقاۋعا جاڭادان قاتىسىپ جاتقاندار دا بار. جىلدان جىلعا گەورگرافياسى كەڭەيىپ كەلەدى. ماسەلەن, بيىل ەستونيا, ارمەنيا, ليتۆا, بولگاريا, ۋكراينا جانە بەلارۋس ەلدەرىنەن العاش رەت قاتىسۋشىلار كەلدى. جالپى, وسى جىلى 8 ەلدەن 65 جاس ءانشى باق سىناۋدا. بۇل ءبىز ءۇشىن ايتارلىقتاي كورسەتكىش», – دەيدى بالۋان بەركەنوۆ. ەلامان قوڭىر. دەرەك: 24.kz. سۋرەت: konfettusha.ru.