2024-2025 جىلعى قىسقى سىرعاناۋ ماۋسىمىندا شاڭعىسۇيەر قاۋىم ءۇشىن جاعىمدى جاڭالىق تاۋ كۋرورتى جاڭا مۇمكىندىكتەر اياسىن كەڭەيتە تۇسپەك. كۋرورت ايماعىندا ەڭ بيىك سىرعاناۋ نۇكتەسى سانالاتىن Aqtas ۇستىرتىندە ستانتسيانىڭ قۇرىلىس جۇمىستارى قارقىندى جۇرگىزىلىپ جاتىر. تاۋ كۋرورتىنىڭ ەڭ بيىك نۇكتەسى سانالاتىن ءۇستىرتتىڭ الاڭى اشىلسا, دەمالۋشىلار تەڭىز دەڭگەيىنەن 2140 مەتر بيىكتەن ىلديعا قاراي جۇيتكيدى. بۇگىندە تومەنگى ستانتسيانىڭ قۇرىلىس جۇمىستارى بىتۋگە تاياعان.
وسىعان وراي ەرتەڭ ارنايى پرەسس-تۋر ۇيىمداستىرىلماق. وندا Oi-Qaragai جشس باس ديرەكتورى دميتري ماتياس پەن جوبا جەتەكشىسى كيريلل زارۋبين قۇرىلىس بارىسىمەن تانىستىرادى. كۋرورتتىڭ زاڭ ءبولىمىنىڭ مەڭگەرۋشىسى سۆەتلانا پان پروبلەمالىق ماسەلەلەر تۋرالى ماسەلە كوتەرمەك.كۋرورت وكىلدەرى جۇمىس بارىسى تۋرالى, سونداي-اق ءىس جۇزىندە وڭىردە جاڭا تۋريستىك باعىتتىڭ قۇرىلىسىنا كەدەرگى جاساپ, جەر تەلىمىنىڭ ءبىر بولىگىن رەيدەرلىك جولمەن باسىپ الۋعا ارەكەت ەتۋشىلەر تۋرالى دا رەسمي مالىمدەمە جاساماق.
