الماتى. 1 مامىر. الماتىدا قالا اكىمدىگى مەن «قوعامدىق كەلىسىم» كمم قازاقستان حالقى اسسامبلەياسىنىڭ قولداۋىمەن 30 اسپاز الەمدەگى ەڭ ۇزىن لاعماندى دايىندادى. بۇل تۋرالى egemen.kz حابارلادى.
قازاقستان حالقىنىڭ بىرلىگى كۇنى مەرەكەسىنە وراي الماتىلىقتار مەملەكەتتىك قۇدىس قوجامياروۆ اتىنداعى ۇيعىر مۋزىكالىق كومەديا تەاترىنىڭ ساياباعىنا جينالدى. وندا 30 اسپاز الەمدەگى ەڭ ۇزىن لاعمان تاعامىن دايىنداۋدا. الدىن الا بولجام بويىنشا اسپازدار 500 كيلوگرامم بولاتىن جانە 1 500 ادامعا جەتەتىن ۇيعىرلاردىڭ ۇلتتىق تاعامىن ازىرلەۋى ءتيىس.
سونداي-اق, مەرەكەلى شارا اياسىندا تۇرعىندارعا لاعمان جاساۋدان شەبەرلىك ساباعى, مادەني ويىن-ساۋىق باعدارلاماسى ۇيىمداستىرىلىپ, وعان ۇلتتىق مادەني ورتالىقتاردىڭ وكىلدەرى اتسالىسۋدا.
ايتا كەتەيىك, مەرەكەگە سولتۇستىك پوليۋسكە بارىپ كەلگەن ءبىرىنشى قازاقستاندىق شاڭعى ەكسپەديتسياسىنىڭ مۇشەلەرى مەن قازاق گەوگرافيالىق قوعامىنىڭ كەزەكتى رەكوردىن بەكىتۋلەرى ءۇشىن گيننەس رەكوردتار كىتابىنىڭ تورەشىلەرى شاقىرىلدى.
ايناش ەسالي
دەرەك, سۋرەت: egemen.kz.
